جيف الحال عساكم بخير و مرتاحين
فديتكم أبى الفزعة! والله أني محتارة وين أسير أتمكيج و أسوي تسريحة في مكان واحد….. و لين ألحين ما حجزت و لا فصلت و لا سويت أي شي حج عرس أختي حليلها؟!!!! و هذي أول أخت تعرس من العايلة والله لازم أتعدل و أتكشخ و أكون أميرة في عرسها، و ماشالله عرسها بيصادف ثاني يوم العيد الأضحى يعني عالشهر الياي…..
نصيحة من قلبكم الطيب و الصافي، في أي صالون أحجز؟ وأسم أللي أتمكيج أحسن و أرتب؟ و أسم أللي أتسرح الشعر عدل و كشخه؟ و أبى يكون في دبي فديتكم؟
و عن الحنه، سمعت ربيعاتي يقولون في عيمان صوالين حنة غاوية و أسعارهم مقبولة. قولولي وين أتحنى في دبي و لا عيمان؟ و أي صالون حناهم روعه و يصبغ؟
سامحوني طولت عليكم و الله شو أسوي أهلي يسألوني كم مرة متى أخلص مشتريات حج العرس و أحجز صالون و أفصل فستان و أنا مووووول ما سويت شي أبدا… أن شالله أتريا ردكم على خير
وعليكم السـلام ورحمة الله وبركاته
تعدلي عند منيره منصور .. والله مكياجها عجيب …
واللي تسوي التسريحات وياها اعتقد اسمها منى .. فنانه والله
مابتندمين لو تعدلتي عندهن الصرااحه
وعن الحنا عندي وحده اسمها مارينا .. سوادنيه اعتقد من الشارجه
حناها وايد حلو .. حنت اختي فـ عرسها ..
لو تبين الارقام طرشيلي عـ الخاص ..
الحنه عند صالون القمر في الشارجه
هلا خواتي – والله ما قصرتوا تسلمون
فديتج أم مبارك – منيرة منصور عندها صالون في دبي؟ والله يا ريت أطرشيلي الارقام عسب أتصل و أستفسر في أجازتي
فديتج سلطانه الغرام – أنا سرت صالون قمر أللي في دبي الصراحة ما عيبني حناهم و أسلوبهم واايد زفت ( السموحه على هالرمسة ) أن شالله بسير أللي فالشارجة في أجازتي
تعبتكم وياي والله
اقدر اوصلكم في حال كنتوا مجموعة بنات
واذا حابة الرقم عالخاص
المشاركة الأصلية كتبت بواسطة ام مباركـ 
تعدلي عند منيره منصور .. والله مكياجها عجيب …
واللي تسوي التسريحات وياها اعتقد اسمها منى .. فنانه والله
مابتندمين لو تعدلتي عندهن الصرااحه
وعن الحنا عندي وحده اسمها مارينا .. سوادنيه اعتقد من الشارجه
حناها وايد حلو .. حنت اختي فـ عرسها ..
لو تبين الارقام طرشيلي عـ الخاص ..
عندج روزي للمكياج ومعها وداد حق التسريحات جربيهم شغلهم ماشالله روعة