السلام عليكم ورحمة الله و بركاته..
شحالكم أمهات..
بغيت مساعدتكم ولدي يعاني من الغازات فديته ما يرقد وانا ما عرف شو اسوي
يتم يتعصر ويصيح.. لين ما يزرق والله محتارة شو أسوي.. يعور قلبي بس ما عرف شو أعطيه..
ممكن تساعدوني ابا حل لهاذي المشكلة.
للعلم انا أرظعه شوي طبيعي وأكثر شي حليب جاهز..
شو أسوي ساعدوني؟؟
كل حد بيقولج شي انا احيد ولد خالي يعطونه ما غريب بس يقولون مب زين بس لانه يرقد الياهل .. لو مب زين ما باعوه في السوق .. ووقفو بس احيد كان ينفع ولدنا ..والسموحه
وعليكم السلام
اختي يمكن من الحليب الصناعي … ليش ماترضعينه طبيعي ؟؟
شكلج ماتكدينه عدل عشان جيه … كديه عدل بعد كل رضعه
اشوف من التوقيع فديته ربي يحفظه توه اصغيروني لا تعطينه شي .. وايد باتسمعين اهنيه من نصايح بس الافضل ما تعطينه اي شي بس كديه عدل وان شاءالله مافيه الا العافيه ياربي
المشاركة الأصلية كتبت بواسطة BinT suLTan 
أحطله شوي ماي غريب.. فاده الحمدلله يظهر الهوا و بريح الياهل
المشاركة الأصلية كتبت بواسطة أم محـمـد اختي يمكن من الحليب الصناعي … ليش ماترضعينه طبيعي ؟؟
شكلج ماتكدينه عدل عشان جيه … كديه عدل بعد كل رضعه
اشوف من التوقيع فديته ربي يحفظه توه اصغيروني لا تعطينه شي .. وايد باتسمعين اهنيه من نصايح بس الافضل ما تعطينه اي شي بس كديه عدل وان شاءالله مافيه الا العافيه ياربي
خاطري ارضعه طبيعي بس ما فيني حليب وايد.. يعني ما يشبعه..
هي صح كلامج ما أجديه عدل مرات اجديه ومرات يوم أكون تعبانه
أدقه ع ظهره شوي اذا ما اجدا اخليه..
ان شاء الله بحاول أجديه عدل..
ومشكورة أختي..
الغاليه اعطييه انفاكوووول لاتخلينه جذه بيتعب وبيتم يصيييح
اعطيه لاتفرطيين
عطيه انفاكول وشاي اطفال ميلوبا بالبابونج