اشحالكن خوااااااااتي ؟
الموضوع هذا يهمني واااااايد و يا ليت الكل يشارك فيه و الي مرت بالتجربه ترد علينا عل و عسى نستفيد … بقول لكم قصتي و يا ليت نسمع قصص الباقيات …
ربيت المره الأولى و سويت قيصريه و بعد شهرين قررت أشتغل عشان أعين و أعاون زوجي بس والله ما هان علي أودر البنوته تصدقون اني رحت الدوام بس يوم واحد و ترخصت و على طول رحت البيت مع ان البنت كانت عند المربيه و عمتي أم زوجي كانت في البيت … بس الواحد ما يعرف الظروف اذا يتكون عمتي كل يوم في البيت و الا لا ؟؟؟؟
و الحين عندي مربية لبنتي الأولى و ولادتي شهر 5 و للحين ما هان علي اني أشتغل و أودر بنتي بس الله يشهد اني محتاجه الوظيفه …
شو أسوي و وين أخلي عيالي ؟؟؟
أخليهم عند عمتي بس ما أضمن ان الحرمه بتكون كل يوم في البيت …
و ما أقدر أخليهم عند أمي لأنها متلعوزه بين المستشفيات …
والله محتاااااااااااااااااااااااره …
و السموووووووووووحه …
انا نفس حالتج ومحتارة .. انا اشتغل وفي اجازة ودوامي قرب وبنتي عمرها شهرين ويوم بشتغل بيكون عمرها شهرين ونص ان شاء الله
كنت بوديها لامي بس امي طلعت لها عملية للركب يعني ما بتقدر اتيودها
وعمتي ما بتقدر اتيودها .. وما اداني البشاكرة اتيود بنتي .. شو الحل وهي معتمده عالرضاعه الطبيعية وسنها صغير عالاكل
محصلة صعوبة في اني استقيل بعد ما اشتغلت .. ومب هاينه علي بنتي اودرها 
والله حيرة
الله بيحلها ما عليج ..
انا بعد ناويه اشتغل و وايد افكر في هالموضوع .. الله يسهلها علينا و عليج يااااااااااااااااااااااااااااا رب ..
كلنا نعاني..بس الحمد لله الله يحفظ أمي..ماسكة عيالي ليل نهار مع إنهم صغار..بنتي بتكمل سنتين و ولدي 4 شهور..بس والله لو ما الحاجة جان ربيت عيالي بروحي..مع إن أهلي فديتهم ما مقصرين
على الاقل ,,, امهاتكم وعماتكم حواليكم,,تقدرون تودون عيالكم عندهم
عيل انا شو اقووووووووول
اللي بعيدة عن اهلي واهل ريلي,,,
اخلي ولدي بروحه عند الخدامة,, والدوام طويل لين الساعة خمس العصر ,,
والحين صار لي قريب السنة من ودرت الشغل ,, وربيت الحمدلله في بنتي ,,
وافكر ارد الدوام,,
عاد الوهقة,, الحين الخدامة بتجابل منو والا منو
ياريت لو امي او عمتي قريبين مني,,, على الاقل كنت بوديهم عندهم كل صبح وانا قلبي مرتاح
الله يعينج اختي ويعيننا
ممكن اخلي عيالكم وياي بس بعد هذا شغل
انا كنت افكر بس الظاهر بشل الفكرة من راسي لاني وااااايد احاتي عيالي خاصه انهم ستوو 3 منو بيقدر يجابلهم الله المستعان