اشحاااااالكن حبووبااات
انا حامل ولي شهرين..8 اسابيع بس..
ماسرت لا عياده ولا شي..>>> من الكسل لي فيني خخخخخخخخخ
بس احس بآلااااااام فضييييعه…كأن الدوره بتييني…
قررت اسير العياااده<<< هالقرار من كن يووم لوول
في حد مر بنفس تجربتي يا بنااات….؟؟
اتريااااكن لاهنتن .. 
هيه فديتج شي عادي جدا انا يوم كنت ف الشهر الثاني رحت المستشفى 4 مرات وكلهم يقولولي نفس الرمسه قالولي انه الياهل يكبر والرحم يتوسع لازم بتحسين ب هالآلام او انه يكون تاريخ دروتج لنه كل شهر يمر عليج من نفس التاريخ تحسين بالعوار لا تحاتييييين
الغالية لا اتهونين السالفة سيري احسن هذا راي
الاحسن انج تسيرين العياده عشان تطمنين على عمرج و على البيبي
صح ان الالام عادي اتيييج و خاصه في كل موعد دوره تحسين بالم الدوره
لكن انتي ماا راجعتي قبل
فالاحسن انج تراجعين
هذا مش اوول حمل لي…هذا الثالث ولله الحمد…بس هالمره احس بآلاااام واااايد…
اعرف ان الرحم يبدي يتوسع…ومووقع الدوره طافني عقب ما سبب لي اكبر حالة اكتآآآآآآب من الويع لي ياااني خخخخخخخ
شكلي بسير اراجع باجر صدق …
اول شي مبرووك حبيبتي ع الحمال والله يتمم لج ويتمم لي على خير
ذكرتيني بأول حمالي كنت اعاني شراتج .. خاصه فالبطن والظهر والفخوذ تقولين آلام دورهـ ..
حتى كنت اخاف وكل شوي اشيك فالحمام اقول ليكون دوره وانا حامل حمل كاذب خخخ ..
بس يوم سألت الدكتورهـ قالت لي عادي شي طبيعي … مادام ماشي دم ولاافرازات بنيه تعتبر هالتقلصات عاديه .. ونصحتني اخفف من الغازات ومن الاكل الي يسبب غازات ونفخه ..
وصدقها من قلعت الغازات خف عوار البطن والظهر …
انتي سيري المستشفى عشان تشيكين وبالمره تشوفين النبض وتتطمنين على عمرج وع البيبي
هلا اختي .. ربي يحفظج والنونو .. ^^
أعتقد عادي .. بس الأفضل تسيرين باجر .. منها تتطمنين ومنها تشوفين نونوتج ^^