مرحبا خواتي شحالكم؟
سؤال واتمنى تجاوبون عليه بصراحه بعد ما تحطون عماركم في الموقف
الله يسلمكم اختي متزوجه ريال هو آخر العنقود وعايشه معاه في بيت اهله بس مب هنيه المشكله
المشكله انها مب ماخذه راحتها عندها ما شاء الله عيال والغرف كلهن مقفلات حق اخوانه وخواته يوم بيزورونهم وهي ما عندها غير غرفتين…. ومب مرتاحه في البيت لانها مالها اي كلمه وثانيا اخوانه وخواته على طول عندهم "ازعاج" وغير المشاكل الثانيه ضرابة اليهال، عدم كفاية الاكل، الخدم التدخلات…الخ
والسالفه الاهم انه زوجها ما يبغي يطلع عن اهله واهله ما يبونه يطلع وامه دوم تردد وتقول هذا بيت عيالي كلهم
شو رايكم في سالفة اختي
جاوبوني بكل صراحه ووضوح
الله يفرج همها
وربي يوسع في رزقهم وفي معيشتهم
ليش جي حرام والله
انزين دام اهم مايبوونولدهم يظهر عنهم ليش مايسوون لهم بالحوي مال البيت مثل بيت صغير لها هي وريلها وعيالهم انا خالتي باانيه لولدها ببيتها فيلا صغيره طابقين فو غرفتين وتحت غرفتين ومطبخ وكل شي الحرمه ماخذه رااحتها جي
خل اختج تقترح على ريلها يسوي لها جي والله يوفقهاا ويبعد المشااكل عنهم
يالله الكل يتمنى يسكن مع اهل ريله حتى لو بغرفه مع حمـآم (عزكم الله) ..
احس عآآدي وحلاتها اليمعه وضرابه اليهال ترى هم يهآل عاآديَ ..
تحاول تحل امورها بدون ماتستوي مشاكل
تقعد مع زوجها ويحلون كل شيء اهي موراضيه عنه
تطلب منه يسوي لها مطبخ
وتلتزم بالقعده في قسمها
والله تقريبا هذا حالنا الوحده تتزوج لازم تسكن في بيت ريلها
بس لازم نحل الامور بهدوء
الله يعينها وويسسر امورها
أنا بنظري مافيها شي عيشـة الحرمـة مع أهل ريلهـا ^_^
دامهم ناس طيبين ومافيهم خبث أو مكر 
أمــا باقي المشاكل فهي تنحل
وحتى لو فبيتها بروحهـا مشاكل العيال ما تخلص هذي الحياة ^_^
وربي يوفقهـا للي فيه الخير
وأهم شي تستخير قبل كل شي
هاي وحده من 100 اللي تتمنى تسكن ويا اهل زوجها
وثانيا اخوان وخوات ريلها متهنيين في بيوتهم يسوون اللي يبونه من مسابح او اكواخ و اهلهم يزرونهم وهي لاحول ولا قوة لها اي شي بيسوونه اعترضو الجميع وقالو عيالنا وعيالنا
بس انا اقول دوام الحال من المحال كل شي ارادة الله والله ما يظلم عبده المسلم العيال بيطلعونهم في النهايه والصبر مفتاح الفرج