السلام علييكم ورحمة الله وبركااته
شحاالكم ..شخباااركم؟؟
من العنوان بااين موضوعي
انا عمري في 17 هاالعمر اللي يحتااج لنصاايح ومراقبة شديدة من الاهل وانا كل ربيعاتي
ماشاء الله عليهم اهلهم والنعم فييهم يسئلوون عنهم ويعرفوون كل شي عنهم
لكن انا وجوودي وعدمه وااحد
اطلع وارجع عاادي عندهم … اسهر ع الاب ولا اي شي ثااني عاادي عندهم
ولاا حتى اذا رسبت او نجحت .. تعرفوون انهم ماايدروون انه السنة الياية بكوون ثانوية عامه
مع هذه كلله ماايهمني
لكن احس اناا بضييييع ..يعني بداايه انحرااف مع الربع والمشكلة انه انا مب واايد ويا ربعي غير وحده والحيين مانرمس بعض وهااي بعد ماتركنا بعض ..صرت اتعرف على غييرهم ومن هني اناا ضعت
وهم يشجعووني على هذه الشي اني اكمله وانا اعرف انه غلط واقول مابرجع له مره ثانية وارجع بسبب معييين
انااا صررت بووويه بالتدرريج بسبب هذي الشله اناا ضعت
اباا حد ينصحني حد يرشدني
مدام اهللي بااعوني ماالي حد غييركم
االلي ماتبي تكتب هنني تراسلني ع الخااص ماعندي مشكلة
واللي تبا تعور راسها وياي تتسكت اريح لي ولها
حبيبتي دامج عاقله وواعيه لكل شي وتدرين الغلط من الصح بس تتنتظرين اهلج يرشدونج ليش ما تسمعين صوت الضمير عندج يا ما ناس اتربوا في الشوارع لا اهل ولاحسيب ولا رقيب وكان رقيبهم وحسيبهم رب العالمين وطلعوا احسن من الي امهاتهم وابائهم على راسهم يوجهونهم وياما الام والابو ذابحين نفسهم والعيال يسوون كل شي من وراهم
الله يوفقج"
وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
لا حول ولا قوة إلا بالله
غاليتي 
يوم الحساب ,, انتي بتعاملين كإنسانـة راشدة
وانتي ماشاء الله عليج كبرتي وأكيد بالغـة
لا تتريين أهلج يربونج ويحركونج ^^!
انتي لج كيان وعقل وأهم من هذا كله قلب يعرف الصح من الغلط
ديننا بيرشدج خير من أهلج حتى
الدين كامل مكمول ,, ومرات أهلنا تكون معرفتهم مقصورة على علمهم البسيط
لكن انتي ان اجتهدتي في كلام الله بتستوين أحسن منهم ويمكن انتي الي تعلمينهم
استهدي بالله وكبري عقلج *
ولا تتريين الغير يغيرج
غيري نفسج بنفسج ^_*
الأهل نحن أختي مب ضامنينهم وما نعرف متى رب العالمين ياخذهم
عيل اليتيم يطلع منحرف والسبب مافي أهل !!
لا أختي كل انسان عاقل يعرف الصح من الغلط
استعيذي من الشطان الرجيم و امشي على خطى الدين
وان شاء الله بتتوفقين
هذا ما يمنع ان أهلج اذا قصروا في تربيتج بيتحاسبون على هذا الشي ..
بس بعد مب عذر للشذوذ والظلال
انتي كبيرة وعاقلة أختي وقلبج أبيض
املئيه بالإيمان وان شاء الله بتستوين من خيرة البنات ^^
الله يهديج حبيبي ليش كل هذا وبويه عاد
يمكن اهلج مقصرين بعج بس انتي شوفي عمرج وبتعدين عن هالربيعات
وماعندي اي مانع تكونين ربيعيتي بالعكس بفرح بقرارج اذا بتودرينهم داهم شئ سلبي لج ولمستقبلج
المشاركة الأصلية كتبت بواسطة برق لمع 
100%
أهلين غبار الزمن
أنا أعتقد إنج مب مقتنعة مول بفكرة البوية و هالخرابيط بس سويتي جه من باب خالف تُعْرَفْ لأنج تبين تجذبين انتباه الناس الّي فقدتي في البيت ،،، تبين حد ينتبه إنج موجودة حتى لو بتسوين شي غلط.
حبيبتي واضح من كتابتج إنج ما شاء الله عليج وحدة عاقلة و فاهمة و شرات ما قالت الأخت
يا ما ناس اتربوا في الشوارع لا اهل ولاحسيب ولا رقيب وكان رقيبهم وحسيبهم رب العالمين وطلعوا احسن من الي امهاتهم وابائهم على راسهم يوجهونهم وياما الام والابو ذابحين نفسهم والعيال يسوون كل شي من وراهم
صح إنه أهلج غلطانين لكن ها مب مبرر إنه الإنسان يضيع نفسه عشان أهله ما اهتموبه ،.
تقربي من رب العالمين وادعي الله إنه يرزقح صحبة صالحة تستانسين معاهم ،،،، و بتشوفين الفرق و الراحة النفسية كيف بتكون إن شاء الله
ربي يحفظج و ييسر أمرج 