السلام عليكم
يابنات ابغي افضفض وابغي الي مرن بنفس تجربتي يفيدني ..
حبايبي صدقوني انا انسانة اخاف ربي في كل شي ولله الحمد واعامل الناس باحترام يعني مب اني وحدة كريهة ههه
المشكلة اني عصبية !! لو صار بس شي بسيط .. اعصصصصصصب !!!
يعني على توافه الامور اعصب ! غصب ولاطيب اعصب !
زين ما زين اعصب ! بديت احس بعصبيتي واكره هالطبع فيني !!
زوجي اعصب عليه على اشيا تافهة والله !! لاحول ولاقوة الا بالله صج قلبي يعورني على ريلي ،، هو يضحك علي لاني اعصب ع شي مايسوى ويحاول يهديني بس انا اكون مشتطة بس ارضى بنفس خايسة !! والله مب عناد ولا حب نفس ولاغيره لأ !! بس لأني اكون صج معصبة وماحب اقول شي ومايتنفذ بوقته..
بعطيكم مثال :
مثلا بقول حق زوجي لوسمحت الغالي سير حط السفرة بالمطبخ لين ما اخلص لبس ،، ولو خلصت وشفته يالس ومكيف وما سوا الامر العسكري خخخ اعصب واتم اتحرررررطم وازعل !!
وصايرةوااايد ازعل لاني اعصب من اي كلمة فأزعل بسرررعة !
و وااااايد مواقف خفيفة وبسييييطة اعصب فيها بسررررعة !!
الي اباه يا بنات .. كيف امسك نفسي وقت الغضب؟!*شو اسوي؟!
انتي لو عصبية كيف بتعيشين حياتج وكيف بتتعاملين ويا عصبيتج؟!
والله اخاف زوجي يطفر مني وانا والله ثم والله احترمه واشيله فوق راسي بس المشكلة عصبيتي الزايدة !!
قمت ادعي ربي يشفيني من هالطبع ويروح عني لأني حاستنه بلاء ! يعني شي ماودي يكون في اخلاقي بس هذا بلاء من ربي وانا علي اصبر بس خوفي ان زوجي و الناس الي احبهم مايصبرون علي ويكرهوني ولا يعتبروني وحدة متكهربة دوم ويتحاشوني !!
ياربي وااايد احاتي !!
شو اسوي وقت الغضب يابنات وكيف اكتم غيضي؟!
مابي اعصب ماااابي !!
اللهم اشفي نونو ماما من العصبية وارح قلبها واحفظ عليها من تحب ياااااااااارب
لو ماعندكم رد يا حبايبي تكفي دعوة بظهر الغيب بالشفاء من هالبلآء مب لازم تردون !! بس دعوة صادقة بظهر الغيب والله يجزيكم كل خييير يا خواتي ..
سامحوني بارك الله فيكم 
اااه يالعصبيه ههههه انا كنت مثلج قبل واعاني من هالشي بس الحين خف والحمدالله
ومرات اعصب بس ع اي شي اضحكي وستانسي
ولاتحطين حرتج ف غيرج لانهم مالهم ذنب
الدنيا مش مستاهله عيشي حياتي بالطول والعرض وربي يسهلها لا تعصبي حالك على شئ ما يستاهل
ربي يوفقك اختي لما فيه الخير
ههههههههههه جنج ترمسين عني لو حصلتي. حل خبريني
بس أنا احس الحل هو أني احاول اطوف واسكت
كثري من الاستغفااار والتسبيح هو هدا الحل…
انا جي بعد بس احيانا مب دوووم
يوم بتعصبين تعوذي من الشيطان وروحي مكااان بعيد عن المكان اللي يخليج تنفعلين
هاي انفعالات سريعه من اسباب بسيطه
^^
حاولي بينج وبين نفسج تمسكين اعصابج وتمين ساكته وطوفي
الدنيا حلوووة