يومياتي أيام المدرسه

يا هلا بكل من حدر موضوعي
نورت الصفحه بوجوكم يا بنات
بما إني مخلصه المدرسه من سنه و يلست في البيت سنه للراحه و راح ادخل الجامعه السنه هذي إن شاءالله<<<وايد كسوله لوووووووول
حبيت أكتب لكم يومياتي في السكول<<<ألا ليت الشباب يعود يوما فأخبره بما فعله الملل اهئ

في تمام الساعه السادسه و النصف تنقز دلع شيطونه من السرير من صوت المنبه<<<الله لا يراويكم كيف صوته.. و تسير الحمام (و انتوا بكرامه) و تيلس نص ساعه بين تنظيف الاسنان و تقشير الوجه بمقشر البرتقال<<<أحيانا بالمشمش .. و تطلع من الحمام في تمام الساعة السابعه و تشوف اخوانها مصطفين طابور عند باب الحمام(وانتوا بكرامه)..
تدخل الغرفه و تلبس المريول تكشخ ذيج الكشخه و تحط لكم ذاك العطر اللي ريحته توصل المدرسه قبل لا تدخل<<تتسبح في العطر لووووولز..عقب ما تخلص تناظر الساعه و تشوفها السابعه و خمس و ثلاثون دقيقه.. تدوس ريوس و ركااااااض ع السياره<<حليله الدريول يسخن السياره من الفجر يتأهب للمواقف المفاجأه..طبعا في الدرب لازم تمر دلع شيطونه على البقاله و تتريق علبة فيتامين سي و شيبس عمان و بما انها راس المال فما تنسى شلتها بما لذ و طاب من الدكان<<حليله رفيق يموت عليها محد مربحنه من الصبح غيرها..توصل المدرسه و تطلب من الدريول انه يوقفها عند البوابه<<الاخت حصلت ربيعتها تمشي فما حبت تخليها بروحها..يدخلون المدرسه و طبعا ما تمر دلع شيطونه من الباب إلا و المديره ماسكه عليها شي يا انه دلاغها ملون أو قذلتها طايحه برا الشيله..تدخل دلع شيطونه الفصل و تسلم على كل ربيعاتها اللي ما سمعت صوتهم و لا جافتهم من البارحه فالليل<<<يتيمعون كل يوم في بيت الزعيمه لووولز..عقب ما تسلم و تحط شنطتها تسير عند الأولى على الفصل و ذيج الابتسامه اللي شاقه الحلج في ويها و تعطيها من ذاك المديح لين ما ربيعتها تطفر<<مصلحه عسب تنقل الواجب لووووووووولز… و يدق جرس الطابور .. تنزل هي و الشله و يسيرون حجرة الفراشه<<يكرهون وقفة الطابور و الإذاعه لووووووولز..و بعد ما انخشوا في الحجره تزقرهم الفراشه و تقول انه الطابور خلص و يسيرون الصف… تبدأ الحصه الأولى و دلع شيطونه مشغوله في التأمل بجواتي البنات و كتابة الرسايل للشله<<<حليلها تولهت عليهم ما جافتهم من الحصه الاولى..يرن جرس الفسحه و تنقز دلع شيطونه هي و الربع على المقصف و ياخذون طلبياتهم<<<حليلها دلع شيطونه دايما تعزمهم ع الريوق…
يسيرون للحديقه و ييلسون دائره و يشربون علبة عصير و يقولن شبعنا<<الله أعلم كل وحده تعتصر من اليوع عادونه ريجيم لووووووولز..يرن الجرس و تدخل دلع شيطونه الفصل و تفر الشنطه بعيد و تحط راسها على الطاوله و تخمد لكم ذيج الخمده<<<طول الليل سهرانه على المسن…يرن جرس انتهاء الدوام المدرسي و هي طايره من الفرح<<<حليلها تعبت من التركيز في الفصل…تسير عند البوابه و تودع ربيعه ربيعه و تركب السياره … تطلب من الدريول ينزلها عند أقرب مطعم لأنها يوعانه<<حليلها طول الفسحه ما كلت شي.. من بعد المطعم تدخل البيت و تفر الشنطه في مكان و المريول في مكان و الجوتي فوق و الثاني تحت و سيده ع شبريتها و ترقد لين المغرب… عقب ما تنش تسير تتغدى<<حليلها ما تغدت مع الأهل و الحين يالسه تعوضه في وجبة العشا لوووولز..من بعد العشا تقعد على المسن لين الساعه 12 و من عقبها تدخل تتسبح<<<مواعده الشياطين في هالموعد كل يوم…تطلع من الشاور و ترجع للمسن مره ثانيه لين جريب الساعه 3 و من عقبها ترب الكتب لباجر و تخمد للساعه الساسه و النصف صباحا..

أتمنى عيبتكم يومياتي .. بس نصيحه مني محد يجربها لأنها مضيعه للوقت و النتيجه طلعت في نسبة اخر العام .. حليله أبوي كان يحلم يشوفني من اوائل الدوله بس خيبت ظنه..و ان شاالله البركه في اختي …