السلام عليكم عرايس ..
لكم وحشه .. الحمد الله عرسي مر على خير وكان حلو الحمد الله وكل مدح عرسي وفستاني ومكياجي ومسكتي الحمد الله
خلوني اخبركم تقرير عرسي
عرسي كان يوم الجمعه 8/5 قبل بيوم الحمد الله قريت سورة البقره ودعيت انه الله يسهل عرسي والحياه الزوجيه
نشيت الساعه 9 تغسلت وتسبحت و تريقت ويا عيال اختي ولعبت شوي وياهم عن خاطري
وبعدين توضيت وصليت صلاه الحاجه ودعيت الله سبحانه بان يشرح صدري ويسر اموري ولا يعسرها
وقعد شوي مع اختي وسولفنا ويهال وعلى ساعه 11 شفت ابويه وامايه ربي يطول بعمرهم كان يتجهز ل صلاه الجمعه و عرس الريايل
كان عرس الريايل بعد صلاه الجمعه ساعه 1 كان يقلبي يقرقع على قولتهم
صليت الجمعه ويسلت ويا امايه وسمعت نصايحها وكانت نظرات حب وقرت علي فديتها ووصتني باني ما اخاف واقرا على روحي ونصايح زوجيه
على ساعه 2ونص جهزت و خذيت فستان عرسي وتوزيعات والضيافه ورحت القاعه
وعلى ساعه 3 استلمت مسكتي كانت من محل فلورست uae في القاعه الحمد الله وتفاجات انها كانت صغيره بس كانت حلوه وايد وعليها دانتيل ولولو ورود وايد كان حلو
وشفت القاعه وترتيبهم كان ثيم القاعه خوخي فاتح وابيض و ورود وكيكتي كانت ريد فالفيت وكانت تجنن يكفي النقوش وورود عللى كانت عليها الكل انبهر فيها
على ساعه 4 وربع وصلت ليالي فديتها انسانه وايد محترمه وحبوبه وتعاملها حلو مع العرايس وصورت سناب فستاني جان استانس
المهم خبرتها كيف ابا لون المكياج وشافت ثيم القاعه ما شاء الله طلعت حلوه ما خفت ملامحي ابد ولا غيرت من شكلي والحمد الله انه ملامح ويهي ناعمه لون مكياجي كان خوخي ورسمه العيون مادخلت لون اسود عليه كله خوخي ولحمي وردي فاتح وبني غامج كان وايد حلو ماشاءالله عليها وخدود و روج خوخي بس اكيد لعبت بالدرجات حتى مصورات عيبهم وحلو انها تكثر وتقلل مكياج وتحط بيوهج فلاش عشان الاضاء وعشان يبين مكياج بيوهج و وعلى ساعه 5 ونص او 6 وصلت حرمه اللي سوت لي تسريحه الشعر معروفه ام سيف شخصيا دايما تكون مع ليالي وكلهم مواطنات
الحلو اني شريت وصلات من صالون عمرو ف ابهرتني بتسريحه الحمد الله
وبعدين اذن المغرب وجمعت صلاة المغرب مع العشا وطمنت اني ما بفوت صلاتي الحمد الله
وتجهزت الحمد الله ولبست فستاني فستاني كان تفصيل من اسبوزا من دبي
وشفت امايه ومدحتني وبعدها بفتره تصورت مع بو شباب كنت وايد مستحيه ما ادري ليش اوني يعني
وعلى ساعه 10 ونص ظهرت على قولت اهلي امشي وانا واثقه من نفسي الحمد الله الاني مسويه بروفا في قاعه ف الخوف خف الحمد الله انصحكم تسون بروفا في القاعه عشان ما تتوترون
ما كنت اشوف الناس الصراحه الكل قالو اصلا ما بتلحقين تشوفين الناس وانتي تمشين
زفتي كانت من احلى عروس وباسمي مش مركب طبعا يسلوني عن الزفه قلت لهم من البحرين مدتها ربع ساعه بس روعه الحمد الله فرحتني وايد
عدا عرسي على خير وسافرت المانيا ونمسا وفينا صح كان بينا تصير امور ما كنا متفاهمين معاها بس مع الايام بنتأقلم اكثر وبنعرف اطباع بعض
وبالبركه عرايس ربي يسعدكم لا تنسون الدعاء وتوكل على الله وريحو بالكم ب يوم العرس للانه يوم ما ينسى
الله يرزقني بالذريه الصالحه عاجل غير اجل ..
مبروك عليكم شهر رمضان الله يتقبل طاعتنا وصيامنا يارب
مبروك وعسى ايامج افراح ومسرات وعسى ربي يرزقج الذريه الصالحه
الله يبارك بحياتج امين يارب
الله يتمم لكم على خير
وانا واقرا قاعده اتخيل كل شي
ماشاء الله
الله يوفقكم يارب والحياه الزوجيه فبدايتها يبالها صبر وبال طويل
موفقين
وليت ادرجتي صور للكوشه او الكيكه تعيشينا فالجو وياج 
الله يتمم لكم ع خير ويرزقكم الذريه الصالحه
الف مبروك حبيبتي
مبروك وعسى ايامج افراح ومسرات