لكل منا عاداته وتقاليده ومن بلاد لبلاد تختلف ومن منطقه لمنطقه تختلف العادات والتقاليد
بس انا شفت في بنااات يملكوون قبل بفتره بعدين تتطلق بدون مادخل عليها يعني ما سوو عرس وتصير
البنت بحاله نفسيه منهاره وتعبانه لانها تطلقت والطلاق مب شي سهل انتن عارفت هالشي بس مجرد
مطلقه شو تسوي فيكن.. هالكلمه وتم اتقول انا محد تقدم لي مره 2 عشان اني مطلقه ووواايد حالات
وانتن ادرى بها والمشاكل الي تصير ..
وفي فئه ثانيه ما يسوون ملجه الا بس بيوم العرس الي بيدخل الريال ع حرمته يملكوون ..واحنا جيه الحمدلله اول شي الخطبه وبنفس اليوم الي بتزوج فيه بملك ان شاء الله…
وانا من وجهه نظري هذا الصح ولكل شخص فينا وجهه نظره يمكن بتقولون عشان الريال والحرمه
يتعرفوون ع بعض ويطلعوون ويوون ع راحتهم عشان جيه يملكوون قبل العرس تخيلي ان ريلج سوء
حادث ومات واهو مالج عليج تخيلي في بنات يدخل عليهم ريلهم وهم ما مشهرين العرس بس ملجه
ومات بعيد الشر عن الجميع والله يحفظ ازواجكم بتم هي بالعده ولا بتكتم الموضوع ع اهلها لان محد
بيعرف انه دخل عليها .. شو بتسوي هذيك البنت بتم ساكته ما بتستعد لريلها بتاخذ اثم …
ولا احسن اتم تكلم خطيبها بس بحدود المعقول وبرضى اهلها وبعلمهم ويفسخ الخطبه ولا انج تطلقين ؟؟
فما تتاثر البنت ولا بتكون بحاله تعبانه ومنهاره لانها اتطلقت ؟؟
بتقولين حرام البنت تكلم خطيبها الا لازم يكون ريلها؟!! لا مب حرام؟؟ تكلمه بوجود هلها تكلمه بحدود ما تتعدى حدودها …..
انا احس هالشي وايد تصير فيه حالات طلاق ..
ولكل شخص مثل ما قلت لكن له عادتها وتقاليده له مبادى وله وجه نظر …
وانا ماقلت هالشي الا انه زاعجني هالموضوع تطلق بدون ما يدخل عليها بعدم تفاهم بين الزوجين بعد الانسجام …
سمحلي خواتي ع موضوعي …
الله المستعاان00انا رايي ان الخطبه بالاول وقبل العرس
بكم يووم الملجه احسن 00يحفظ البنت وحقوقهاااا لكن النااس الحين يملجون ع
بناتهم والبنت تطلع وتدخل مع زوجهاا قبل العرس00وهذاا السلوك برايي مب حلو
هذاا رايي والله يوفق الكل يااارب
تدرون احس لو الملجه والعرس يكونون في نفس اليوم واايد احسن لان الريال خاصة اذا كان عصبي وااايد وما يتفاهم في فترة الملجة ينتقد ويقول انتي مقصرة كنت دوم اقول حق ريلي لا تقول مقصره دام اني مش وياك في بيت واحد وبعدنا ما تزوجنا يوم بنتزوج شوف شو بسوي لك وكيف بكون معاك وعقب قول مقصرة والا لا
الله يحفظه لي ان شاء الله ويسخره لي يا رب
الله المستعان ,, حبيتبي الملكة والعرس مع بعض احسن
وبعدين مطلقة اصبحت شي عادي الظروف والقضاء والقدر
وربي يرحمنا برحمته
ويوفق بنات المسلمين
برايي بين الملجة والعرس يكون في فترة شهر لا أكثر 
منها تجهيزات العرس
ومنها العرسان يتعرفون عل بعض شوي في التلفون بحدود أو اذا طلعة مع الاهل ^^
أما كثرة الطلعة بروحهم والملجــة الي تطول وايد ,, صراحة ما أحسها حلوة أبدا
لإن الناس لاسف نفوسهـــا تضعف
ونحن الحريم رومنسيــات وبسرعـة ينقص علينا ^_^
فالاولى ان نحن ما نعطي للشيطان فرصــة يدش علينا بعذر ( الحلال )
والله تعالى أعلم
^_^
صح كلامج والله بس مثل ماقلتي كل حد وعاداته وبعد ع حسب البنت والولد وتربيتهم
ربي يستر ع اليميع
خلالهاا الملجه ماطلعنا ويا بعض بس كنا نتكلم فالتلفون وبعد ماكان ايي عندي ..
والحمدلله حياتي مستقره ..
اختي انا اشوف صح الوحده لازم تملج قرب العرس حفاظاا لكل لشي ..
وكثره الكلااااااااااام اتييب مشاكل .. فبعائلتنا ماشي ملجه قبل العرس بشهور ..
وان صار وحد ملج مستحيل يكون امبينهم كلام وطلعات وشوفاات مستحييييييل
اختي تمت مخطوبه سنه ونص .. وكان خطيبها يتصل عارقم امي بالشهر وبالشهر وامي
كانت ترضى يكلمهاا وهي عدالهاا دقائق وكان كلام سلااام لاغير.. وعقب ملجوا قبل العرس بــ7 اياام
ها لكلام دار على خواتي4 نفس الشي ..
بس الي تملج وتطلق (با الاصح تفسخ العقد)
احسن بوااااااااااااااااااااااااايد
من الي تعرس وعقب العرس تطلق..
وانا ابوي فيوم عرسي وعرس خواتي ايي يقلنا
ترى اذا ماتبين واذا مب مقتنعه طز فكل شي بعدج عندي وسعادتج فوق كل شي..
ومن باجر بتطلعين من بيتي عليج تصبرين وتتحملين لان الحياه فيهاا الحلو المر
والله يرزق كل بنت بالزوج الصالح