وراي وراي والزمن طويل
كل التعليقات السخيفه الي مالها لازم!
يعني وين اخبي عمري 
تركت الشغل من كثر التعليقات السم على شغلي وقلت برتاح في البيت لين مالله يفرجها
تركت اغلب الربيعات عشان التعليقات والتعابير على شكلي او ذوقي في اللبس واصلي فصلي
وقلت مب ربع حشى نفسيات
وبعد شو اسوي!
قلت بقعد في البيت وخلاص مالي علاقه بحد وبرتاح بسوي لي عالمي الخاص ومالت عليهم
طلعت لي امي 
صلت وصل بيني وبين العالم الخارجي
كل كلمه طيبه عني توصلني
فلانيه قالت لي ان مافيكي خير!
فلاني قال نحن كنا نظن انها متعلمه عشان نسوي لها جواز بس ماتوقعنها جي
فلاني قال وفلانيه قالت !
زين ياماما انا شو دخلني بكلام الناس توصلينه لي!مالمغزا
ليش ماشيه مع الموجه!
انا شو ذنبي 
صح انا شو ذنبي
كل شي سويته من اجتهاد وتدوير في كل شي! وبعدين سو اشوي!
الشغل قلنا نصيب والجواز ماحد قادر عليه والتعليم كل واحد ومخه وبعدين!
انا شو ذنبي؟! يوصلني كلام ماله داعي وماحد يدافع عني
طننننننننننننش تعش
هذي نصيحتي لج
عادي الامهات يستخدمون هالاسلوب عشان يحاولون يغيرونا ،،، خاصه اذا كانت مب متعلمه وكبيره
بس هالاسلوب خطا
مثلا يقولون فلانه شاطره بالطبخ وانتي ما تعرفين وفلانه عندها شهاده. انتي لا
نصيحتي لج كوني باره بأمج وكوني قريبها منها …. واذا قالت فلان قال … ناقشيها بالموضوع وحاولي توضحين وجهت نظرج ،، ولكل شخص قدرات معينه
النفسيات وااايد واهم شي الواحد مايتاثر فيها لان بيصبح منهم وانتي شكلج سرتي مجراهم بدليل ان من خلال التعليقات
ماقدرتي تصبرين وعلى طول خليتي الشغل وماتتحملين تعليقات حد … نحن بعالم فيه ناس اشكال والوان واطباع مختلفة واذواق بعد
اتقبلي كل حد بشكله بذوقه باسلوبه اهم شي نفسج تتقبلينها وتعدلينها ماعليج من الناس ومن القيل والقال ماراح يقدم او ياخر شي
انتي بس فكري بنفسج والوالدة لو حتى اسلوبها ما عيبج لاتكتبين موضوع ضدها او انج مش متقبلة كلامها هذي ام حملت وربت وتعبت ليش نحاسبها على
كلامها … نتحاور نتفاهم نعدل بعض الاخطاء معاها بس مانسئ لهن
مفروض بعد كل هالظروف القاسيه اللي مريتي فيها يكون تفكيرج غير جذيه وتكون شخصيتج اقوى بوايد
فترات الواحد يوم ينجرح مره مرتين او ثلاثه يتبلد مب يعني التبلد بالمعنى الحرفي يعني خلاص هالشي ما ياثر فيه
انتي سويتي اللي عليج خلهم يتكلمون لين باااااااااااااااجر ولين 10 سنين جدام شو تبين فيهم
وبس الوالده تكلمج قوليلها الله كريم
لا تخلين هالامور تعب نفسيتج وتوقف في طريق مستقبلج
خلاص قولي انا بنت اليوم ولازم اطور من نفسي يمكن الفرص اللي جدامج مب وايد بس لا تخلين اي كلمه تاثر فيج او تستفزج
موفقه ان شاءالله
ماعرف ليش الامهات الكلام الزين ما يوصلونه لبناتهم ..
كله محطمين نفسياتهم ؟؟؟؟
حبيبتي قولي حق امج ما ابيج تنقليلي كلام حد لا بخير و لا بشين ..
أختي شعاع أمل
انتي اللي سويتيه اسمه هروب من الواقع
وين ما بسيرين بتحصلين تعليقات سلبية و كل مكان في حد بيأذي و حتى الربيعات المقربات ممكن في يوم تجرحج
الرسول صلى الله عليه وسلم قال: المؤمن الذي يخالط الناس و يصبر على أذاهم خير من المؤمن الذي لا يخالط الناس و لا يصبر على أذاهم
يا أختي انتي يالسين تضيعين سنين عمرج عشان تحمين نفسج من كلام الناس و صدقيني ما بتوصلين للي تبينه
العالم المثالي اللي تبينه ما بتحصلينه و الناس المثاليين اللي ما بيقولون لج و لا كلمة غلط غير موجودين على سطح الواقع
اصحي من أحلامج
الأذى موجود كل مكان و القرار انه الواحد يقفل على عمره الباب عشان ما يتاذى بيخليه يصاب بأمراض نفسية
ما في إنسان يقدر يعيش بروحه و حتى لو عشتي بروحج
الناس بتتكلم عنج حتى لو كنت ملاك الناس بتتكلم عنج فتحي عيونج و كون واقعية و ردي لأرض الواقع و بسج إختباء وراء الكواليس
آسفة كلامي ثجييييل أدري
لكن هذا هو الصدق
الله يوفقج