السلام عليكم بنات…
إميه صارلها مسافره من ٤ شهور… العمره ويا يدتي وخالتي…
يعني شاريات شقه وشكلهن يبن يهاجرن… 
المهم قررت ترجع لبناتها.. ودلوعتها اللي هي أنا أخيرا…
بس ابصراحه أبغي اشتريلها شي مب عارفه شو…
إميه شوي معقده… يعني مب أي شي يعيبها… ذويقه بس ذوقها اللي يعيبها… وحرمه كبيره في السن… يعني ما تعترف بحركات ورد ومادري شو….
اختي قررت تاخذلها ساعه من شوبارد…
بس أنا الصغيره ودلوعتها… حتى عقب ما عرست…
لين الحين ما عرف شو آخذلها… معنها بتي عقب كمن يوم…
والله وايد اتولهت عليها وما أبغي اترد وانا مب عارفه شو يفرحها… معنه شوفتها لي اتفرحها واااايد… لوووووول
ياريت تعطوني من ابتكاراتكم وافكاركم…
ملاحظه:
إميه ما تعترف بشي اسمه هديه غاليه ولا مب غاليه… كله عندها واحد…
وهيه ما عليها قصور الحمدالله…
بس أنا ابغي شي يفرحها…
وشي ثاني… إميه وايد متعلقه ابمزرعتها ودبشها…
يعني ممكن شي حق المزرعه على قولة ريلي…
بس أنا أحس أييبلها شي حلو… مب شي اتفره فالمزرعه…
مادري… والله اتلعوزت…
شو ظنكم…
تحياتي
Ro’s
خخخخ امج ربيعة امي….
ونحن مسافرين تتصل البيت وتخسر مكالمات عشان تسأل عن الهوش كلوا والا ما كلوا يحليلهم العيايز
ههممممم الوقت وايد ضيق عسب اقولج سويلها كم كندوره مخوره…
ويبيلها ذهب طقم بحريني…
ودخون وعود وعطور (أكيد بيونها حريم يسلمون عليها)…
واشتريلها اطقم دلال ويا فنايينهن واستكاناتهن وصينيتهن… طايحات موديلات وايد حلوه…
ادري انج قلتي كل شي عندها ماشاءالله… بس اليديد غير…
وموفقة ان شاءالله
مشكوره أمووون…
والله ضحكتيني على سالفه الهوش…. لووول
يقولج أنا يابتلها آخر مره دلال واستكانات وفناييل أم سعيد مال رسوم فريج… اتخبلت عليهن، لووول… لأنا دومنا انسميها أم سعيد… سوالفهن نفس الشي….
وعلى سالفه العطور والدخون… تراها وايد اتعايب… وجان يبتلها شي مب على مزاجها تعطيه أي حد لو شو ماكان سعره… وأنا أتغصص… لووول
وعلى الكنادير… تراها بتيب قطع مزر الدنيا من السعوديه وما فيه اتفر المخاوير اللي بييبهن في ويهي…
والله لعوزتنا هاي الأم… لووول
بس فديتها ما تهون عليه اترد من السفر وأنا مب مستقبلتنها بدلع هدايا ومادري شو… تراهن العيايز يحبن حد يدلعنهن…
ولا تقولين عيايز… إميه ما تسمحلج… لوووول
أقولج أم سعيد طبق الأصل… حتى ربعها يتيمعن عندها دوم…
ما قصرتي يا أمووون على أفكارج… بس بعدني أبغي أفكار ثانيه….
تحياتي عزيزتي
Ro’s
خذيلها دهن العود وعود من اجمل …..بتستانس
او غيري حجرتها اواثثيها او رتبيها مع شوية تعديلات او الميلس
او خذيلها صينية عطور حق الميلس
ههههههههههه
فديت امج والله دخلت خاطريه الله يحفظها يااااااااااااارب
وسلمي عليها
ممممم انزين خذيها الشيل مال البيت بس شيء يخص المزرعه وهالسوالف للحين مافي شيء ف بالي
بفكر و اذا حصلت بخبرج
السموحه
شكلي بتعرف على امج … هههههه احسب بها تونــّس ماشاء الله عليها
شو رايج تاخذين لها ذهب ..
مشكورين خواتي…
والله ماقصرتوا….
أنا شكلي بسويلها يوميات فالمنتدى… أسمي بيكون عندها معجبات… وسوقي بيقوم وياها دام إني بنتها… لووول
لاخليت من بنت سالم أنا… إميه…
والله عيبتني فكرة شيل البيت والمزرعه يا بنت الهاملي… شكلي بحطهن في اللسته…
اختي لوكل
فكره تغيير الأثاث ولا حتى أحلم فيها… هاذي فيها قبايل…. لووول
إميه بس اللي تغير أثاث حجرتها… وكل يومين اتشوفينها لافه الشبريه صوب… وجان دخلتي وما قلتي ياسلام شو ها التغيير ما يعيبها… والله اتلخبطنا من كثر ما غيرت حجرتها…. لوول
وأثاث البيت غيرته اختي العوده… يعني هاذي هديتها لمي…
يعني ما تملي إلا آخذ ذهب… إميه تعشق الخواتم… شكلي بسير أطالعلها خاتم من داماس ولا مجوهرات المنصور…
شو رايكم؟؟؟…
في أفكار ثانيه بعد؟؟؟
عطور ودخون ودهن عود ترس كبتات عندها… أبغي شي مميز…
أم مها…
والله نتشرف ابمعرفتج نحنا بعد…
من ناحيه اتونس فهي اتونس… والله البيت ميت من ٤ شهور… مافيه حس…
تحياتي
Ro’s