السلام عليكم
شخباركم بنات
وشو عالم البنى معاكم
بغيت اشاوركم بشيئن
عن درايش البيت
نحن مسوين درايش البيت كبيره
ف الحين في تركيب الجامات
نركبهن من برع ولا من داخل؟ فهمتو قصدي ؟
أنا قلت من برع
عشان من داخل تستوي مساحه أقدر احط فيها زينه أو جرات ع رف الدريشه
ف مادري شورائكم ؟
وشيء ثاني
شورائكم بالفتحات اللي يسوونهن في الايدار مربع كبير وأو مربعات صغيره بشكل مدرج
قلت بسوي في الصاله وتقريبا كل الحجر والحمامات
أحس يعطي شكل؟ وتقدير تحطين زينة داخلهن؟
أتمنى انكم تفيدوني قبل ما يبدون في البلستر
مرحبا الغاليه
بالنسبة للدرايش و الله ما عندي فكرة للحين ما ركبا فالبيت الدرايش ..
اما هاي الفتحات الي يسووناه فاليدار انا وايد تعيبني .. واظني لازم تسوينها فوقت البناء بعد مب بعد ما يخلص البناء؟؟
سويهن فالصالات و لا الميالس حلوات بس لازم تعرفين وين الاماكن الي بتسوين فيها مب بس جيه عشوائي .. الغرف احسه ما يحتاي بس الحمامات حلو تسوين فيهن يعطي منظر حلو و تستفيدين من الفتحات ..
مشكورة أختي
ماقصرتي
نتريا الباقي يفيدونا
احس انه من برع احلى =)
و شرات ما قلتي تحطين سوالف زينة على الطرف بتطلع وايد حلوة
و عن الفتحات انا ما تعيبني.. اممم احس وايد يبالها تنظيف و عناية
هي أنا بعد أحس من برع احلى
وعن التنظيف بنطف ماعليه بس المهم الشكل حلو لول
وينكم
فكري فى الشكل الجمالى والوظيفة
عن الدرايش راي مثل رايك
والفتحات فى الجدار حاولى تدرسيها فعلا
فعلا بتطلع احلى لو كانت فى المكان الصحيح