مرحبا خواتي ..
ولدي صارله أسبوع وكله صياح ومتملل في كل شي في رقاده وفي قعدته هو عمره ثمان شهور ..
بصراحه ما عرفت شو أسوي معاه
قلت يمكن عشان ضروسه بس اعطيه أدول والجل مال الضروس ..
من ثلاثة أيام كانت فيه حراره وإسهال و وديته العياده وقال الدكتور عنده أحتقان بس الحمدالله خفت الحراره بس طول الوقت يصيح ..
وحتى فالليل ما يرقد ساعه متواصله قبل كان يرقد ويطول في رقاده ..
شوووووووووووووووووووووووو الحل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شوفي الغلا
دامج وديتيه العيادة استمري عادويته 3 ايام وشوفي تحسن او لا
ويوم يصيح مضيج من شيء
الحفاظ نظيف وحطيله فازلين عسب مالتهب جلدة
مافيه غازات وجي
شبعان
مدفي فلبسه وجو البيت هم حار يعني
معتدل ولبسه مريح
وحطيله لعوب
شغليله شيء مال اطفال قوم براعم او سبيس تون
البيبي في هالسن يحس ويتملل
طلعيه شوي فالحوش او فالقاري ودزييه
لاتضايجين عليه لان يحسبج وايد البيبي
اهتمي فيه كم يوم وبيتحسن انشاءالله
دهني جسميه بزيت زيتون او سمسم
اكيد متملل من التسنين فديتج هب بسيط معاناه للبيبي والام بس كلها فترة وتعدي
جزاج الله خير ..
والله غصبن عي اضيق من صياحه ..
بس الجو ما يساعد أطلعه برا هواء وبرد ..
مشكوره على هالنصايح الحلوه ..
الله يعينج يالغاليه
استمري على الادويه وان شاء الله بيتحسن واذا ما حسيتي بتحسن راجعي عند دكتور ثاني
الله يشفيه ان شاء الله
مشكوره الغاليه ..
مستمره والله كريم
حليله اكيد فيه شي ,,
والخوات ماقصروا
والله يشفيه يارب
صياحه اذا ليل متنغص من شي
ممكن شبع نوم ويبا الصالة ومايبا الظلام
واذا فالنهار طلعيه فالشمس عالظهر او العصر حلوو الجو بيبلعب وبيتشمس
وقبل النوم سبحيه ومساج بزيت دافي
وشبعيه
واذا حمى او التهاب عطيه ادويته وبيرتاح انشاءالله