مرحبا بنوتات
شحالكم 
مممم بنات انا متوهقه ف سالفة المكاين
الصراحة ولا مرة استخدمت
بس لاني على ويه الزواج عرسي عقب شهرين
ومشكلتي يوم احف المنطقة الحساسة بحلاوة
يظهر الشعر عقب اسبوع ونص تقريبآ
لان تعرفون العروس لازم دوم نظيفة ومافيها شعر وخرابيط
فكرت اخذ مكينه اذا طلع الشعر الخفيف اشله فالمكينه
لان الحلاوة مابتشله
مدحت وحدة مكينة براون
من عند تاجرة فالمنتدى
بس يوم سويت سيرج وحدة كاتبه ان المكاين بدال الشعره تطلع دبل
خفت 
اللي مجربه شو رايها
يعني نفس الموس لان انا والموس عداوه
بليييييييز اللي مجربه مب وحدة تقول سمعت و قالوا لي
وشو رايهاا فالمكينه
صح والله انا استخدم المكينه مرات
بصراحه صح الشعره تصير شعرتين عدال بعض ><
تبين الصارحه ما فيه شي زين كلللللهم نفس بعض الحلاوه والموس والاله وغيره انا ما جربت شي وعيبني هههههههه
كل شي وله سلبياته ^_^
حبوبه دخلي موضوعي بالذات عن هالمكينه واقريه كامل وربي اني ماجذبت ف كلمه وحده والله شعر صغنوني وخفيف حيللللل وجنج شاله بحلاوه
انا قبل لا اشتريها سويت سيرج في الي يذمونها وتندمت حيل بس من وصلتني وجربتها وربي ان كلامهم طلع اخرطي
احترنا مع اراء الناس
بصراحه دخلي اليوتيوب الكثير يمدحون هالمكاين
وعلى فكرة خلي فبالج في ناس ما يحبون الخير لغيرهم يقعدون يذمون الاشياء ما يبون حد يستعمل الشي الزين هههههه انانية ^_*
حبيبتي خذيهاا مني
انا صارلي سنييين وانا استعمل المكاين ماعرف حق الحلاوة
والموس آرف ابدن ماعرفله ولا اداانيييه
وااايد اوك
انتي خذيها وجربي صدقيني ما بتندمين
يوم بتستخدمينها اول مرة حطي مرهم أملا البنج
وعقب حطي بودرة الاطفال وشلي
صح مرات تطلع بدال الشعرة شعرتين بس مب شرات الموس
المكينة ارحم
المنطقة الفوقية اشلها بالراس الي يلقط
ومن تحت استخدم راس الحلاقة
والحمدلله مرتاحة
استمري ع المكينة وعقب بتكون عندج خبرة في استخدامها
بس انصحج لاول يوم عرس شلي بحلاوة وعقب بمكينة ان بغيتي
ان شاء الله اكون افدتج
ماشي انظف من الحلاوه
للـــــــــرفع