السلام عليكم
يعطيكن العافيه خوااتي
بلييز بغيت مساعدتكن
بنتي عمرها 4 سنوات السنه حاطتنها في الكيجي
فديتها يوم اتنش الصبح ما تقدر تتريق مول اي شي اي شي حتى لو سمونه ما فيها شي تروح ريحتها مب حلوه وتلوع جبدهااا واداوم واهيه مب متريقه
يعورني قلبي عليها ما تقدر تلعب ولا شي
لما ترجع من الدوام احاول ااكلهااا وجيه بس طبعا هذا ما يعوض اريوق الصبح
دخيلكن الي عندهااا حل اتساعدني
الله يعطيكم العافيه
جربي الكورن فليكس او النسكويك او الكوكو بوبس . وايد انواع شوفيها يعجبها الي فيه كاكاو او الي فيه عسل .. صدقيني مالج غير هالحل
تسلمين فديتج يزاج الله خير
اهيه بتاكله بس بدون اي شي تخيلي
بحاول ويااهااا
تأكدي انها تكون شبعانة نووووم يمكن لانها نعسانة مايكون لها خاطر للأكل *_*
وخلي موعد نشتها من وقت يعني لا تخلين الصبح يطوف بسرعة، تنش على رواااااق وتبدل وتتجهز للمدرسة وتتريق بدون استعجال، يمكن المزاااج يأثر وتنفتح نفسها أكثر
وطرشي لها اشيا تحبها تاكلهم فالمدرسة
هلا الغالية.
بنت اختي شرات بنتج الصبح مستحيل تأكل لوشو يستوي واذا غصبتها أمها تم اترجع.
فمثل ما قالت الاخت اكتشفت انها مرات أتكون مب راقدة كفايتها.
قامت اترقدها من الساعة ثمان واتنششها على السبع إلا ربع وتسلبها على رواء وتقعد وياها واتاكلها.
شوي شوي لين ماتعودت والحين ما شاء الله وايد اوكيه.
ابــــــــــــــــــــــــــــــــــــ
سبحان الله وبحمده..
نفس الحالة مع ولدي عندنا خير وبركة مستحيل يفطر لو شو ما سويت له