قبل كم من شهر انا وربيعتي كنا رووح وااحد بس اللي صارهو انها كانت تفتن اتخبر بنات عمي عن اسراري والصدمة اكبرعنها هي
انا كشفت انها ترمس ولد عمي اللي متزووج من سنتين وعنده بنت عمرها سنه واتخبره كل شي اللي انا كنت اقول ليها السوالف البسيطة والسرية بعد
ويوم كشفت هالشي صليت قيام الليل بس مادري ليش الدمووووووع ما رمت اوقفهن من عيوني وانا الحين قاعدة اكتب واتذكر وابغي اصيح …
لانها كانت دايما اعز انسانه لي كل ما سرت مكان خذت لي شي شريت ليها بعد نفسي حبيتها كأختي
بس انا ما زعلانه عنها انها اتكلم ولد عمي بس زعلانه انها قصت علي و مول ما قالت لي عنها شي و زيادة خلت ولد عمي ياخذ عني فكرة ما زينه ويقول لي خواته لا تكلمووها هي فتانه …
وانا كنت افكر انها زينه و ربيعتي وعزيزتي
يا ربي والحين انا ندمانه اني ليش ثقت فيها وتعلمت اني ما اثق فحد بعد هاي التجربة اللي صارت معاي
و انا كلمتها عن السالفة بس هي خافت و ما طاعت تعترف و بالعكس زودت وقالت لي ربيعاتي وبنات عمي اني كذابة اني كذابة و اغار منها ودايما احسد عليها
يالله والله الدمعة تنزل وانا اكتب ……
خبرووني وش اسوي الكل يقول لي كلميها وانا اقول ليهم هي ليش ما تي اتكلمني ؟
بنات ابغي مساعدتكم
الله يهديها
لاتزعلين عمرج عشان وحده ماتستاهل
مادري ليش الناس اتغيروا احس محد صادق الله يعينا على هالزمن
لاتكلمينها مادام انها شوهت سمعتج بروحها بتحس بلي سوته وبتندم
مشكورة اختي عالرد الحلووو~
حبوبه
لا تتكدرين…ولا تزعلين تعرفين ليش
كلنا مرينا بهذه التجربة…واحمدي ربج ان ما اتطور اكثر من جذيه
اظاهر انتِ بعدج صغيرة…ما عشت تجارب (غدر) الربيعات
وهذا درس مجاني…اتخيلي يا حبوبه اذا كنتِ معرسه وهى لعبت لعبتها وغازلت ريلج
عاااد هني بتكون صدمة كبيرة عليج
تعرفين اختي خبرتني عن ربيعتها وحده معرسه والثانيه مب معرسه
اللي مب معرسه الكل كان يثق بها…حبوبه…دلوعه…كيوت…اتخيلي خذت رقم ريل ربيعتها
واتصلت به …لدرجه ان هو طلق حرمته…مانعرف شوه قالته …
وانا أقول لج …احمدي ربج انج اكتشفتي عنها قبل ما يتطور
خلاص كفكفي دموعج…وارفعي يدج للسماء والهجي بالحمد والشكر
جت العواقب سليمة…ماخربت بيتج ولا شردت عيالج
وهذا درس مجاني في الحياة لاجل تستفيدين من تجارب الحياة واطبقينها على حياة جديدة
ثقي في ناس تستحق الثقة ولكن لا تعطين الخيط والمخيط لكل من هب ودب
وربي يوفقج 
هاي مب ربيعه للاسف
كيف طاوعها قلبها
حاسه فيج
وخلتج في موقف بايخ جدام ولد عمج
بس ماعليه حبيبتي الدنيا فيها الزين والشين والله بيراويج فيها
الله يهديها يااارب
بارك الله فيهم خواتي ما قصرن