مركز التنميه الاسريه + سباحه

السلااام عليكم خواتي ،،

موفقه

اختي هو في مدينة الضباط مب في بين الجسرين .. وسهل مكانه
بييج الدوار اللي بين الجسر ((اللي يوديج صوب بين الجسرين)) والنفق ((اللي يوديج صوب مدينة الضباط))
خذي النفق وبييج دوار خذي من الدوار سيده وبيكون المركز على ايدج اليمين ..
عندهم مدربات متخصصات ((المدربه لو تطلبينها تدفعين زياده)) وعندهم حوض سباحه لكن لهم قوانين صارمه للي يبا يتسبح فالحوض ..
اول شي لبس سباحه اسلامي ثاني شي غطاء الراس الخاص بالسباحه واخر شي نظارات السباحه ..
احيد يوم سجلت سنة 2024 كان كل 3 شهور بـ1000 درهم مادري اذا غيروا اسعارهم ..
عندهم آالات وايده وعندهم حصص الايروبيك بس دوم تكون زحمه ههههههههههه ..
من ناحية السباحه فري بس لو طلبتي معلمه ادربج اظن 6 جلسات على 1200 !! او اكثر والله نسيت اختي سمحيلي ..
بس الحلو عندهم انه المكان محترم ونظيف وممنوع تحدرين كيمره او تلفون ..
أغراضج في اللوكر مع الحرمه اللي فالمدخل مقفول عليهن والمفتاح عندها ..
بصراحه اختي عن تجربه انا بدون معلمه ولا شياته كنت ادرب بروحي اسوي مشي خفيف نص ساعه .. بعدين هروله نص ساعه بعدين سيكل نص ساعه وفالاخير ادرب على آله تقولين نفس الزلاجات وفالأخير سباحه (بس سباحه صحيحه مب لعب بروحي كنت أدرب نفسي ) في خلال شهرين عقيت اكثر عن 10 كيلو يعني فالشهر 5 كيلو بس انا ماكنت مسويه دايت بس جي كنت ادرب اشد جسمي وعلى آخر شهر تركتهم لظروف خاصه ..

عشان تسجلين عندهم اعتقد لازم تييبين خلاصة القيد الاصليه + الجواز الاصلي + صورتين أو اربع صور شمسيه + المبلغ كامل

مشكوره أختي الدبه ،، أنا اعرف اسوي نظام حق عمري لكن أنا حاليا حامل ماقدر اسوي اي شي غير السباحة لين إربي ،، وبعد ما إربي بشد حيلي

واحتاج مدربه لان أخاف ههههههه ماعرف أتدرب بروحي ،،

الله أكبر الله أكبر الله أكبر لا إله إلا الله الله أكبر الله أكبر ولله الحمد

عادي حبيبتي المسبح فيه مستويات وماتحتايين مدربه انتي بس حاولي اول مادخلين الحوض اتمين جي حول 10 ثواني ماتتحركين وحاولي تحاسبين من الناس اللي حولج وغير جي يوم تتحركين لاتحركين ريولج حركي ايديج عشان تتسبحين وبس ..

والله يسهل عليج حبيبتي