.gif "13 (27)")
طبعا انا بخبرك كيف قمت احس اني مدمنة shopping
اكون سايره وحاطه اشيا في بالي ولازم اشتريهم
جنز – وقميص بها اللون – عطر مثلا
وطبعا انا اكثر وحده في خوااااااتي تشتري حتى دووم يقوووولووون انتي من كل شي عندج وااااااااااايد ما يحتااي نشتري ولا انتي ما تخلص بيزاتج !!.gif "12 (1)")
وما عليكم انا اول وحده فيهم تخلص بيزاتها لوووول .gif "12 (85)")
وادخل محلات الشنط والثياب والمكياج وبرد بدخل بطالع شي حق اخواني وبرد اذكر بنت خالتي الصغيره واااايد احبها وبرد اشتريلها مثلا انا وهيه نفس البجامه ولازم يطلعولي نفس الشي وعقب بشوف محل النعله وبذكر اني ابغي فلات وواحد بلارينا ومال المحلات ما يقصرووون يعطونا من هالزين وانا اشتري
وتبوون الصدق ساعات اعرف اني بشتري هالشي وانا ما ادري متى بلبسه بس ما اقدر اخليه في خاطري واتم مضايجه اذا خليته انه ما يرزا اخليه فخاطري لين ما ارد واخذه لو حتى عقب ودوم يقولون انه الله يعينج اذا خذتي واحد ما يحب يصرف مثل صرفج الحينه اقولهم برايه بشتغل وبدلع عمري
وارد البيت وانا مستاااااااااااااااااانسه .gif "12 (72)")
وانا شاااااااريه وشاله واااايد اكياس واحس بشعوووور حلو .gif "12 (42)")
وانا الوحيده ما اعرف شي في التوفير و بشتري بإللي عنده كله واذا عيبني شي برايه بدفع عنه وبحجزه وبرد البيت لين ما اخليهم يشترووونه ولا اوهقهم فيه .gif "12 (43)")
والله حتى احس انه ابووويه غسل ايده منا ههههههههههه يعرف عقب اول اسبووع بنرد ناخذ غير الي عطانا اياه .gif "12 (18)")
بس والله ساعات احس اني مسرفه.gif "12 (82)")
لدرجه والله اغراض السفر نصهم في الشنط والثياب في الأكياس وشي منهم معلق بعده بعلامته والأسعار .gif "12 (100)")
وساعات من المكياج اكتشف اني شارتنه قبل واستوا عندي من كل شي ثنينه ونفس اللون .gif "12 (94)")
كل وحده تخبرنا كيف تتصرف وهل تحس نفسها تصرف بإعتدال ؟؟
وانتي من اي نوع الي يحب التسوق واطوولين وتشووفين شو اليديد؟؟
ولا بس المحلات الي انتي حاطتنها في بالج وتطلعين؟؟
اناااا صارلي 6 اشهوررر ما استمتعت بأي shopping
مضغووطة بشوية ديووون
ان شااءالله يوم بفتك منهااا برد للخبااال
الله يهنيج بمشتريااتج
بس صار لازم نتعلم نوّفر الصراحه …
المشاركة الأصلية كتبت بواسطة Jimmy Choo 
مضغووطة بشوية ديووون
ان شااءالله يوم بفتك منهااا برد للخبااال
الله يهنيج بمشتريااتج
بس صار لازم نتعلم نوّفر الصراحه …
صح لازم نتعلم
وما عليج كلنا نمر بها الأزمه من كثر المشترى
حالتك عزيزتي مثل حالتي تقريبا وبعد الاستفسار عند المختصين النفسيين بخصوص التسوق الدائم وبدون سبب تبين الاتي:
انه حالة نفسية قد تؤدي إلى الادمان وما وصلتي له ووصلت له معك هو الادمان بعينه !
مثل اللي يدمن على أي شيء (بلاش الممنوعات) خلينا نقول مثل اللي يدمن القهوة أو الشاي وما يستغنى عنه حتى ولو لم يطلبه جسمه ولكن يحب شربها.
والحالة ما هي إلا تعبير عن التوتر والاضطراب النفسي .. والوحـــــــده نعم الوحــده .. هي السبب والفراغ الكبير في ساعات اليوم .. يعني بالعربي ما في شي حقيقي يشغلك فتتجهين للتسوق كتعبير عن مرور الوقت والحاجة ما هي إلا من ضرب الخيال لا وجود لها بس تضييع وقت ..
تخيلي أن بعض الناس يتوجهون للشراء من المحلات وهم مدينين يعني مفلسين وبطاقاتهم الائتمانية مطلوبه وفاضية يسحبون من رصيد مكشوف ! وهذا ليش فقط لأنهم مدمنون والمدمن لا يرجو العاقبة لا يرى أمامه سوى لذته فيضرب الحائط بجميع العواقب لهذا التصرف السيء.
المهم كان في علاج ناجع بعض الشيء وهو إنك تقومي بالتسوق – إذا حسيتي بهذه الحاجة الملحة – مثلا في الجمعية أو السنترات .. تمشي بعربانة واملئيها بما تحبين من الاشياء وعند الحساب اتركيها مكانها ولا تحاسبي (حالة محرجة ادري) واخرجي من المحل. وراح تزول الرغبة منك بالاشياء .. هو الاستمتاع في حط الاشياء والحصول عليها وليس تملكها .. يعني تملك مؤقت .. واشغلي وقتك بما ينفعك، اذا عندك اوقات فراغ كبيرة سجلي في دورات مفيدة أو تابعي محاضرات أو اشياء كثيرة ممكن تشغلك عن هذا الادمان السيء (اذكرك واذكر نفسي بتقصيرنا بحق الله فاشغلي وقتك بالطاعة) وشوية شوية بتحسين بفرق – هذا إذا حبيتي تتعالجين – لكن اذا تودين الاستمرار في حالة الادمان اللي انتي عليها .. طنشي ما كتبته لك .. 
والله المستعان على الاسراف اللي احنا فيه ..
أنا ما أحس بنفسي إني مدمنة ..لكن أحس نفسي إني أحب ألبس و أنوع
ذكرتيني من كم يوم كنا رايحين معرض و كنا رايحيين أنا و أخوي وإختي
و الوالده مخبرتنا لا تتأخرون حدكم في معرض نص ساعة .. يلست أقول نص ساعه هاي وين بتكفي
المهم رحنا و دخلنا و أنا من نوع لازم أشوف كل شي و إذا شفت شي يعجبني آخذه
وإختي كلما تشوفني إذا وقفت صوب النعل و الشنط تقعد تقولي شو تبين فيهم و شحقه .. عندج إنتي و ما أدري شو
انزين أنا بخاطري فيها و حتى ملابس و غيرها .. يعني أنا أختي من نوع ما تحب إطول في الأسواق لكن أنا بالعكس أحب آخذ راحتي .. و أحب أتشرى … لأنه يكون عندي فتره ما أكون شاريه حقي شي … طبعاً خذت ساعة ونص بعدين ردينا البيت و والده تقول ما شاء الله شكلكم مخمتوا المعرض بالزين كلهم يلسوا يطالعوني لأني أان إلي مخرتنهم و أخوي من نوع ما يحب السووووق أبد >< …
بس المشكلة إلي أواجهها هو يوم إني أفصل لي عبي .. أنا من نوع مثلأً حق الجامعة لازم أفصل لي كل كورس 5 ولا 6 و يكونون إخفاف و عمليات حق الجامعة و في بعضها حق مناسبات و طلعات و في مره وحده قالت حقي ماشاء الله كم عباية تفصلين أشوفج تحبين تلبسين … و خالتي تقولي الله يعيين ريلج إلي بياخذ بتفلسينه .. حرام أنا أصلأً مو كل شهر أشتري مو كل شهر أصل 5 و6 ..بالعكس أنا كل 3 شهور أو 4 أقعد أسوي جذي … ما أعتقد إنه شي غلط
بس المشكلة نظرة الناس تحكم إنه نحن من نوع إلي نسرف … بس نحن نحب نتسوق على قولتهم نحس بمتعه غير طبيعيه هههههههه
انا ساعات تمر الشهور ماحب اجبل صوب المولات
وساعات اكفر يوم اسوي شوبينغ
اشتري اغراض بالهبل والله ان فيه منهم من سنين بقراطيسهم واسعارهم امكدسات فوق بعض
انا من النوع اللي كل فتره اركز على شي معين
يعني مثلا بخري فلوسي كلهاا ع المكياج وبتم هالحاله فتره عندي بعدين بتلوع جبدي
بحول ع الشنط وبتم فتره كل مادش السوق اشتري شنط بس لين ماتلوع جبدي
بحول بعدها ع قمصان النوم لين ما امل
وفالحلقه الاخيره كبتي فيه جزء خاص للمشتريات اللي بعدهم بتسعيرتهم ومانلبسوا
ع قول خواتي اذا متي بنورث هالاشياء عنج خخخخ
اكتشفت انه هالحاله اتييني لما اكون مكتئبه ومتضايجه واحب اغير جو فاخري بيزاتي وارد للضيج مره ثانيه من جيه ما البسهم
بس يالله نجمع للريل من الحين خخخخخ
تحياتي
شوشو
شو اقول ضربتي على الوتر الحساس
انا مسرفة الصراحة واحب اتشرا ولما اكون مضايجة احب اتشرا وايد
مااعرف احس الفلوس وسخ خخخ وماتسوى الدنيا
لما اقول لريلي يله نروح السوق رد عليه يقولي انتي ماسرتي هذاك الاسبوع اقوله هيه يقولي بسج مخاسير
اقوله ليش مااتستاهل يضحك يقولي تزوجت وحدة مينونة ههههههههههه
لكن للامانة في اغراض اشتريهم مااستعملهم والله اتحسف واقول متى اتعلم الاقتصاد
المشكلة اسير اتشرا الاغراض مب حقي بس اتشرا هدايا حق ماماتي وحق ام ريلي ترا قلت لريلي اذا بتشتري هدية لأمي تشتري لامك هدية نخليهن نفس الشي والحمدلله هو وياي في الشغلة واتشرا حقه بعد حقه هو والخ
بس مع هذا نفسي اقتصد انا مااقولج ريلي مايقصر الله يحفظه لي لكن مرات يتملل كاي ريال بس يحليله في النهاية اقوله قدرك اني زوجتك ههههههه ويقولي احلا قدر خخخخخ ومرات يعند مايوديني
الله يهدينا يارب