بسم الله الرحمن الرحيم
السلام عليكم ورحمة الله تعالى وبركاته
خواتي الحبيبات تعرفت من فتره على وحده من البنات وهي من عمري ومع الوقت عرفت انها مدمنة أفلام إباحية وترمس شباب مب دوم أحياناً وهالبنت ما تروح مكان من تقوم لين تنام على حسب كلامها كله صاكه على غرفتها الباب وتتابع هالافلام وتنزلهم وجي وانا لما عرفت ما حبيت اتركها او اتخلى عنها بالعكس خاطري اساعدها بس معرف كيف تقولي مب مره وحد ه شوي شوي اخاف عليها من هالدرب وأتمنى الكل يدعيلها بالهداية وجميع المسلمين وهي من النوع الي تقول انا اعشق هالشي وتقولي بعد ان لما ترمس حد يكون الاتفاق بينهم سوالف بس لا اكثر يعني ما تباه ياخذها بس تسولف معاه وتضحك خواتي شورو علي كيف اوقف معاها أخاف اتركها واكون ظالمتنها لاني ما وقفت معاها بس قلبي عندها ومعاها كله اقول اكيد هي احين قاعده فهالشي حاولت اقنعها تشتغل ما رضت حاولت بس ما في فايده افيدوني افادكم الله
اختي حاولي اتقولين لها ان هالشي حرام وقوليها عواقب واضرار هالشي اللي يالسه اتسويه وان شاءالله كلامج ايب فايده وياها ربي يهديها ان شاءالله
قال رسول الله صلي الله عليه وسلم
من أحب قوما حشر معهم، و من أحب عمل قوم أشرك في عملهم).
لا تجعل الله اهون الناظرين اليك
قولي لها هالشي اللي تسويه حرااام
شو بتستفييد من هالشي الا الاثم والمعصية
ادعي لها وانصيييها كل يوووم لا تخليها على هالحالة
هاي بادره حلوه منج .. أنج تبين أتغيرينها و اتدلينها عالطريج الصح … ما شاء الله عليج ..
اسأليها شو الفايده من هذا إلي اتسوينــه ؟! شو الهدف ؟! أكيد ما بتكون عندها اجابه …و أنه هالأشياء مب حقنا .. ذكريها و قولي شو بيكون موقفج إذا الله خذا روحج و انتي اتشوفين هالأفلام أو اترمسين حد ؟!
خليها تبتعد عالنت اشوي و تستغل وقتها بالتقرب من الله سبحانه .. الله يحبنا بس ما أدري ليش انحب انسوي إلي يغضبه سبحانه 
و خليها تيلس ويا أهلها اتسولف وياهم …
و الله يهديها ان شاء الله …
و لج التحيه 
هي شكلها المشكله باديه عندها من زمان .. عسب جيه غرقانه ومش حاسه وماراح اتحس الا يوم تستوي لها مشكله !!!
انتي حاولي تقولين لها تشغل وقتها .. بالشغل بالرياضه بالنوادي وبذكر الله .. لان الفراغ سبب معضم مشاكل شبابنا وشاباتنا ..
وحاولي توقفين معاها مش ضدها .. لانها ضحيه .. لتجارب سيئه .. وللاسف التجارب اللى مرت فيها زادت قلبها قسوه وزادتها غرق في المعاصي ..
وحاولي اتفهمينها عواقب الدرب اللى ماشيته ..
والله يستر عليها .. ويكثر من امثالج اختيه .. لن الصديق الوفي عملة نادره بالزمن
الله يهديها يارب
حاولي أطرشين لها إيميلات دينيه أو أحاديث مؤثره تأثره فيها ويمكن تتأثر شويه
ودووم يوم تكلمينها قوليلها شو راح تستفيدين من هالشي ؟؟ قوليلها أتخيلي حد من أهلج كشفج شو بيكون موقفج ؟؟ ذكريها بالصلاة والأستغفار
الله يهديها يارب العالمين
الله يهديها ان شاء الله