متزوجة وتخون زوجها

مرة رحنا انا وياها المول نشتري اغراض وفجاة رن موبايلها وقالت لي بروح

وبي ولما شفتها تاخرت حاولت ادورها لقيتها واقفة مع واحد وماسكة ايده

رجعت مكاني ولما يات ما حبيت افتح لها الموضوع رحنا البيت وكلمتها اني

شفتها تمت تلف وتدور لين قلت لها عطيني موبايلج فعصبت مني وقالت لي انا

اختج الكبيرة كلميني باحترام قلت لها اوعدج ما اقول لاحد

اشوي اشوي بدت تتكلم وقالت لي انا ما احب زوجي استغربت زوجها انسان

طيب ويحبها موووت قبل ما يتزوجون لانها كانت صديقة اخته وحتى بعد الزواج

كانت كله تقول انه قاعد في البيت من الشغل للبيت للمسجد وهذه شهادة الكل

يعرفها عنه اهله وربعه وشهادتها بعد بس المشكلة هي ما تحبه تحب ولد خالي

سالتها ليش تزوجتيه ؟ ردت علي علشان اقهر ولد خالي ورديت اسالها وليش ما

تزوجتي ولد خالي ردت علي لانه ما يحبني .لحظة بعد مرور 5 سنوات وعندج

ولدين منه تقولين ما احبه وتزوجته علشان ولد خالي ما بغاج

وردت علي انا تعرفت على واحد سوري من تزوجت وعشت معاه قصة حب

وهمية لحد الحين وهو يعتبرني مو متزوجة والباقي نصهم سعودين ومصرين

وكويتين

ليش كلها انتي تدوري على شو ؟ وبكل برود ادور على حبي الاولي ولد خالي

ارد عليها ولد خالج تزوج وعنده عيال وانتي تزوجتي وعندج عيال

وعلى فكرة ولد خالي لعوب ويحب البنات وما يروح يشتغل وما يصلي

تقارنيه بزوجج الطيب المصلي اللي ذاكر ربه

صدقوني بتخبل منها ريلها رومانسي فوق ما تتصورون بالورورد والهدايا

والحب والسهرات بالمطاعم واي شي تبغيه يلبيه ليها وغير بعد انه مرح واايد

وهي وايد نكدية كل يوم تدور لها سالفة علشان تطلق منه لكنه متمسك فيها لانه

يحبها ودايما تقول له بحب ريال ثاني وابغيك تطلقني ويضحك يقول لها يبي

الريال وخليه يكلمني

المشكلة مشكلة ربيعتي ويا اختها

الله يستر ويعافي خواتي من الغلط

بس ارجوكم ربيعتي تبغي حل لاختها لانها تبغي تطلق من ريلها

لاتنسون عندهم عيال ولدين واحد 4 سنوات والثاني 2