السلام عليكم ورحمة الله وبركاته
شحالكم بنات و حريم
بداية أحب انوه ان هذا النك نيم لاختي بس انا استغليت فرصة وجودها عندنا للنفاس واستخدمته
بدخل في الموضوع على طول
اختي ربت من اسبوعين
انا اعرف ان النفاس لها رعاية خاصة
بس نظرا لان امي متوفية الله يرحمها من زمااااان
وانا في الجامعة وعمري 18 سنة
ماعرف كيف اهتم فيها لان اغلب وقتي في الجامعة
وشو لازم تاكل وشو لازم ماتاكل
ماعرف متى لازم تكون اول وجبه
لانها طول الليل تسهر مع البيبي والصبح مايكون بخاطرها اي شي يادوب قلاص حليب وتنام تعوض تعب الليل الله يقويها
فأنا مو عارفة كيف اتصرف
دخيلكم خبروني شو الاكلات لاني ماعرف
ومشكووورين ..
السموحة منكم ..
وكل وحدة عندها أم تبوس ايدها وجه وظهر وتشكر ربها الحيين ..
اتريا ردودكم ..
والصلاة والسلام على أشرف المرسلين
فديتج والله ما عندي فكره بس حبيت ارفع لج الموضوع ,,,,
وان شاء الله الامهات يفيدونج ,,,
للرفع
الله يقويج ياا قمر
.
ويعطيج قد نيتج =)
فديتج ياربي……. ربي يعطيج العافية…… ما عندي اي معلومة
للرفع
اولا الحمد لله على سلامتها وربي يخليكم لبعض وتقومين بدور الام والاخت حبيبتي انا يوم كنت نفاس بعيد عن امي وماعندي احد وبكريه س الحمد لله زوجي ما قصر والجيران
اللي اعرفه في الصباح كاس لبن وتمر ولازم اي مشوب يكون دافئ حتى الماي وذا فيه سندوتش جبن او عسل وتحطين عندها ماي وعصاير وفواكه على اساس اذا انتي مو موجوده بتلاقي شي عدالها لان المرضع تحتاج ماي وقت الرضاعه
ووووالغدا اي شي بس لازم تدخلي الخضره والاشياء اللي كانت تجيب لي الحليب الحلبه والخضره مثل الجرجير والعصاير بشكل عام واكثر شي شراب الشعير ههههههههههه مدري ليش بس احسه يزيدادرار الحليب عندي حتى ولدي يهستر خخخخخخخخخخ طبعا من غير كحول
والباقي ان شاالله البنات مايقصرون
انتي اختها الوحيده بس ما عندكم احد ثاني في البيت اذا عندكم الشغاله وصيها اتسويلها اشياء مفيده تحبها
شوربات وعصاير وماي هاي لازم لانه ترضع والماي عسب انها مربيه فتكون فاقده ماي
الخضرا من الفواكه خل تساوي لها سلطة فواكه تفاح وهمبا موز وبرتقال ميكس والخضرا نفس الشي
هي خل تهتم بعمرها ولازم حد يشجعها للاكل صج الاكل مالش بارض فيه بالنفاس بس شوي شوي
والجيران والاهل عمتج ولا خالتج ما فكر احد يطرش لها الحبا الحمرا بالكاستر واكلات مفيده للنفاس هم يعرفون
الله يقومها بالسلامه
لا تنسون الحبه الحمرا