ليش ما عندكم اهتمام بنفسكم وقت النفاس او الدورة !!؟

ملاحظة::: هذه التجارب لبعد الحمل ممنوع الحامل تشرب اعشاب او اي شيء يمكن يضر الجنين اللهم بلغت اللهم فاشهد..

خوف من الضرر للجنين

بالنسبه للنفاس تكمن العنايه فيه بالتدفئه وعدم الإستحمام المفرط علشان ما يدخل الهوااا بالرحم وشرب الأعشاب لي تنظف البطن من الأوساخ وتخرج الهواا لي يدخل من عمليةالولادة ولازم تداومن على الغسول وهو الماي والملح وتجففن المنظقة زين لازم تشربن كل شي دافي البارد ممنوع وعندنا نحن الحريروه والجرفه والزنجبيل وفي بعد تحاميل الملح والعسل أخر 20 يوم والكبو أخر 10 أيام ولهوم الصبح على الريق ولازم ما تكونين يوعانه أهم شي فما بيكون شي ريجيم هالفتره ضيفن الماش والفلفل الأسود بالأكل وأكثر شي كلن المرقوقه

اذا على النظافه فهاي أعتقد متوفره عند كل حد ..

اذا على النظام الغذائي …فهالشي يباله اهتمام بالفعل ..
أهم شي الوحده تبتعد عن كل شي بارد سواء ماي بارد أو عصير بارد أو آيسكريم ..
وتكثر من الفواكه و الأشياء الحاره بالمقابل .. و الحبه الحمرا أحبها أنا بصراحه وما أتخلى عنها منها تدفي ومنها تنظف ..
و قت النفاس الوحده طبعا لازم تهتم أكثر بأكلها علشانها وعلشان البيبي و أهم شي تربط بطنها و تحط مطاره حاره على بطنها كثر ما تقدر و نحن عندنا نحط حصايه حاره وفي ناس يحطون رمل حار ..
و النفاس تقعد في ماي وملح منها تعقيم ومنها علشان يلتئم الجرح لو في خياطه ..

و اذا على الخلطات بصراحه أنا بعيده كليا عنها ولا أفضلها .. في كريمات مفيده في الصيدليه أعتقد الوحده تعتمد عليها أحسن مثل كريمات أحماض الفواكه و غيرها .. و أهم شي انه الوحده دايما تدهن بطنها بكريم أو زيت عسب ما تظهر الخطوط ..