حضرت كذا مناسبة ولاحظت البنات فيهم نحاسة هالأيام، أسير كورسات ولا محاضرات للدوام تكون عامة يعني بنات من برع ومواطنات بس لاحظت فيهم طبع النحاسة ، يعني لا يبتسمون في ويهج ولا يتكلمون ولا يعلقون بشي حتى لو انتي تكلمتي ولا علقتي ساكتات، عافانا الله ليش يعني هالأطباع والله اني من عايلة وبنت ناس لكني متواضعه الحمدالله ماعندي هالاخلاق والنفس الشينة، تشوفون الوحدة منهم عينها في البلاكبيري ويالسة وتكتب وتقرا فيه وتحاول تشغل نفسها في عشان ما تكلمج وتقولج مشغولة لا ترمسوني يعني أفهميها وهي طايرة…تخيلوا مرة سرت كورس يوم واحد محد كلمني فيه ولا تكلم غير أخت وافدة يزاها الله خير وهي نفس الشي تحاول تفتح موواضيع على نفس الطاولة اللي يالسين فيها البنات وهم لا رد ولا أخذ وعطاء وانا اقول في نفسي شو صار فيهم الناس تخيلوا والله ماجذب ان على بوفيه الريوق وحدة منهم سمعت وطنشت وشلت اكلها وسارت بعيد وانا مستغربة ليش هالتصرف الحرمة ال وياي كانت ترمسها تسألها عن رايها في ال كورس شي وايد غريب تميت أطالعها بس انا رديت عشان ماحرج الحرمة.. كل وحدة تشل أكل وتسير تيلس بروحها بعيد عشان ما تختلط وانا اقول فخاطري شو فيهم بسم الله..يعني انا مب من النوع اللي بيرمس وبيبدأ بس ممكن اعلق أبتسم ولو حد فتح موضوع بتكلم بس هم من ويوههم تعرفين ان مايبون يتكلمون، ماعرف شو استوا في الناس تسيرين نوادي صحية ولا أماكن ماشي ما تلقين حد يبا يرمس او يتقرب..الناس تغيروا مب مثل قبل..وانا كنت سايرة متحمسة اني بغير جو من الدوام وبسير هالدورة التدريبية رجعت مصدومة من حال البنات، ورجعت ثاني يوم الدوام أقول الحمدالله على الأقل دوامي فيه ناس الواحد يقدر ياخذ ويعطي وياهم بالرغم انهم مب مسلمين بس على الأقل ياخذون ويعطون وياج يتفاعلون مب اني يالسة مع أصنام وناس جامدين وتحسينهم متكبرين وياريت على شي يستاهل….
الله المستعان ماعرف شو استوا في البنات…
سبحان الله
الغرور و التكبر صفات تضر الاشخاص بشكل عام
اكثر ما تسوي لهم هيبه و ثقل ( باعتقادهم )
التواضع و البشاشه و الثقه بالنفس تخليج
سبحان الله محبوبه اكثر 
عالعموم لا تتضايقين فديتج و الجود فالموجود و الي حولج
اختي مب كل الناس جي
بس الحين النفوس تغيرت بشكل عام
الناس تدور على المصلحة والقيمة اكثر شي
حتى انا زمان كنت اضحك يوم اشوف الناس وابتسم بس الحين بطلت والله الناس تاخذها مني غلط
أكيد المجاملة مطلوبة
بس أنظري للمسئلة من نظرة ثانية مش شرط تصرفهم يكون غرور أو تكبر لا يعلم بالنفوس غير الله
أصبح الزمن يخوف وأصبح أكثر الناس تخاف الأختلاط والتعارف والسبب الكثير أنقرص من أقرب المقربين
ومن صدقات الطفولة وصدقات العمر فأصبح الأنسان يفضل الأبتعاد عن البشر وكم سمعنا عن بشر تبتسم لك
من الظاهر ومن الخلف تتحدث عنك بالعاطل فالتمسي العذر للناس
الله يرزقك بالصحبة الطيبة
عفان الله
اختي طنشي….و انتي تمي مثل ما انتي
كلنا عيال عوايل و ناس ما تكبرنا على الخلق
لا يدخل الجنة من كان في قلبه مثقال ذره من كبر.
الله المستعان
طنشي شو تبين فيهن يوم انهن متكبرات !
عليج بنفسج أختي ^^