أسعد الله صباحكم/مسائكم وين ما كنتو
ودي اسافر للتسوق الى لندن بما ان راح يكون عندنا عطله رسميه محترمه شوي بشهر فبراير اتوقعون احصل ملابس ربيعيه او صيفيه ياريت الي سافر بالفتره هذي تفيدني واكون متشكره جدااااااااااا .
بانتظار مشاركاتكم وتجاربكم بالتسوق
مشكوره اختي غرور للمشاركه هارودز يفتح الصيفي بشهر 2 ؟
اكسفورد ستريت
تبين شارع كله ماركات روحي بوند ستريت
هاردز للهدايا التذكاريه لانه الصراحه السلفريجيس في اكسفورد عندهم مثل بضاعته واحلى
اذا تبين محلات ماركات ورخيضه ماركات مثل بربري. راف لورين .افيسو.. ليفايس روحي منطقه اسمها swindon واسم المكان swindon outlet البربري بأقل من نص السعر ملابس وشنط وبواكه
في منطقه اكسفورد في نفس الشي مكان يبيع ماركات ورخيصه وايد وماركات اسمها Bicester village
ولا تقولين هالأمكه فيها اشياء قديمه لا فيها شناط وقمصان ماركات وجديده وانا رحت وشفت بعيني
اذا لقيتي محل اسمه Tk. max نصيحتي دخليه يبيعون سكارفات ملافع ماركات وبأقل من نص السعر وعطورات وشناط ماركات رخيصه وايد واشياء وتحف للبيت عجيبه وكل الاغراض تجي من امريكا
الملابس الصيفيه بشهر فبراير موجوده بس مو في كل المحلات يعني تلقين جم شي بجم محل بس اغلبيه البظاعات بتكون شتويه لانه الشتى في بريطانيا لين شهر 4
واذا تبين تستفسرين عن اي شي لا يرج الا لسانج
ما بتحصلين اشياء صيفيه في شهر 2 … يمكن عدد محدود
اختيار موفق بصراحه .. احلى شوبنغ في لندن ……
من تجربتي المتواضعه حسيت انه الماركات هناك وايد ارخص .. و خصه في المطار شي رهييب … غوتشي و فيرزاتشي تحسين برخص التراب …
و على فكره .. خذي باوندات من الحين لنه يالس يرتفع يوم عن يوم …
مرحبا راح اتلاقين السوق متروس صيفي لان بالصيف ينزلون الشتوي وبالشتى ينزلون الصيفي وعلى ماتجي عطله نص السنه يكونون منزلين انشالله
وعطله سعيدة
والاسعار طبعا نازله وفالصيف اتكون مرتفعه وشارع اكسفورد في محلات اشكال والوان وانصحج اتسيرين بريمارك ف شارع اكسفورد وفيه تشكيله من الملابس الحلوه