لا تهنيت و لا ارتحت و بعد 10 سنين من العذاب يايه تطلب السماح

بس عندي بعض الردود على خواتي الكريمات

المشاركة الأصلية كتبت بواسطة نصابو

اوويه شقايل جيه عرستي وعمرج 16 كيف وافقو مال المكمه خخخ سوري بس اخت ربيعتيه جيه واظنيه القاضي ماطاع يملج بها الا جنه يوم بتكمل ال 18
اممم
غناتيه سامحيهااا
المسامح الكريم
ربنا يسامح
وحنا شوو الا بشر من طين وتراب ليش مانسامح

اختي الكريمة زواجي كان زواج عادي و من قبل 10 سنوات و ما كان في تشديد بخصوص العمر

المشاركة الأصلية كتبت بواسطة مرت المحامي

معقـــوله في نــاس تقــاسي فالدنيـــا جذي!!!؟؟؟
يعـــني وين أهلــج عنج وليــش مــانصحــوج والله كســرتي خاطري وخــاصه يوم قلتي كنت أنــام مع خــواته!!!
و في نــاس بهاي الوحشيــه!!!
و ريــلج وين دوره؟؟!!
والله قصتج محـــزنه..
لكن فالنهايه الله عوضــج.

أختي الكريمة
أهلي الحمد لله موجودين و انا تزوجت و سرت لامارة بعيده عن امارتي وما كنت اشوف اهلي انا حتى التليفون البيت كان ممنوع علي و اذا شافو رقم بيت ابوي ما كانو يردون

والحين بخبركم شو قررت
امس بعد ما نزلت الموضوع كلمت زوجي عن الموضوع وقلت له الكلام اللي قالته لي
و اعيده اهني

[[انا طول عمري كنت احبج بس كنت اباج تعلمين لمستقبلج و انتي فهمتيني غلط و لما قالت جي حسيت ان الدنيا اسوده في ويههي بس ما تكلمت و تميت ساكته واسمعها و للاسف اعذارها اقبح من ذنبها وقالت لي انا يمكن ما اعيش اكثر من اللي عشته و على مرضي الكل هدني *الكل هدها على مشاكلها مو عشان مرضها* اوضح لكم سامحيني بنتي]]

انتو ما لاحضتو شي
كلامها كان انها ما غلطت علي هي بس كانت تعلمني!!!!! أي علم و أي تعليم فذمتكم في أم ما تعرف الرحمة وكانت تقول
[[[ان الكل هدها علشان مرضها ]]]
لا والله لا ما خلت حد مرتاح طول الوقت تتكلم عن هذي وهذي وتشوه سمعت بنات الناس لدرجة انها كرهت الناس في بناتها وهم مالهم ذنب وأي حرمت ترددت مليون مرة قبل لا تفكر تخطبهم لعيالها مع أن البنات مالهم ذنب

المهم هذا شي نحن تكلمنا عنه و خلصناه

خواتي انا قررت اني اسامحها لوجه الله فقط و لعيالي بس اني اهتم فيها و اشوف طلباتها لا ما أقدر و بصراحه بناتها أولا بالشي عندها خدامة و انا مستعدة اييب لها وحده ثانية بس ما اقدر اهتم فيها هي تعبتني و ما خلتني ارتاح و لا رحمتني و ان برحمها و بطلبها بسامحها و اليوم بسير اخبرها