كيف تجهزين لوكـج كامل للعزايم او للاعراس او للاعياد،، لوكات بالصور من تجميعي ^_*

قمت احس اكثرية المواضيـع في أزياء و موضة تخص الاستفسارات
اكثر من ما تخص اليديد في الموضة ان كان من فساتين او تساريح او غيره

المهم،، حبيـت أنزل هالموضوع لانه في وايد عضوات اذواقهن قريبة من ذوقي ^^
و تيني وايد اساله ( البس ها مع شو؟ و اي لون ؟ وووو )

و لاحظت وايد بنات يركزون على الفستان و ينسون اللوك الكامل
انا الحين قمت ارتب لاي مناسبة قبـــل وقت خصوصا اذا عرس ولا عيد
يعني احجز اولا المكياج و الشعر قبل ابـ وقت مثلا قبل شهر او 6 اسابيع

و عقب ادور فستان و اذا ما لقيت على طووول صورة من النت و تفصيــــل
اي فستان فيه قصه و بدون شغل ممكن اي خياط او مصمم يسوييلج اياه

في اشياء لازم تجهزينها قبل بوقت،،
اولا الفستان و بعدين النعال،، و الطقم اللي بتلبسينه،، و الكلج ( اذا تشلين )
( طبعا انتي اولريدي حاجزه للشعر و المكياج عشان ما تتبهدلين )

اول لوك بحطه بيكون كلاســك ( كلاسك مال اجانب مب مالكم انتو p= )
بـس الموضة من فتره سمبــل في سمبــل
و بعدين السمبل يبرز الجمال ما بين الاوفر يغطي على راعيته ^^

الفستان اللي اخترته لاول لوك من مارشيزا Marchesa
و فساتينهم بشكل عام وايد حلوه و سمبل
و هالفستان ممكن يتفصل ابـ سهوله ^^

الفستان ممكن ينلبس عليه نعال اسود او اوف وايت او فضي
انا اخترت اسود،، يكسر اللون

احس طقم لولو ممكن يكون احلى على هالفستان
او طقم ذهب ابيــض بـس المهم الطقم يكون مب نازل وايد
و عشان جي اخترت طقم لولو choker و فيه ورده الماس و ممكن للاذن لولو

الكلج ممكن يكون كرستال، او جلد او ساتان
ممكن ينشل اوف وايت او اسود.. اوو لون يكسر اللبس
بـس بما انه انا يالسه اركب لوك كلاسك ما بدخل وايد الوان

من الاشياء اللي دوم اسويها عشان لوكي يطلع بالضبط مثل ما انا ابا
افتح قوقل و ادور صورة قريبة من الايشدو اللي اباه
و ادور صورة تسريحه ( اذا ما لقيت اللي اباه من اللي اولريدي عندي )
و ازهب الصور للماكييرة و الكوافيرة ( اما بالتليفون ولا بالكيمرة )
و على فكره ترا اكثرهم يبدعون اكثر و يفهمون اللي تبينه لو تراوينهم بالصور

هاي التسريحة اللي اخترتها للوك الكلاسك
عيبتني لانها مرفوعه و بسيطه بـس في نفس الوقت راقيه
ممكن مع هالفستان تكون التسريحه نازله من صوب على الجتف لانه باييد وحده ^^

و هذا المكياج اللي اخترته
انا جربته شخصيا و ضبطولي اياه و طلع حلو
ودييت الصورة لانه اللون الابيض طاغي على الجفن
و لو قلت سوولي سموكي اسود و ابيض انا ادري انهم بيزيدون الاسود فما بغيت ^^

كان ممكن احط روج احمر لكن الاحمر وايد مستهلك
و حسيت اللوك بالروج الـhot pink بيكون انعم

و احس الفستان لونه اوف وايت مايل للبينك ( ما ادري من التصوير ولا شو )
على فكره ممكن يوم يتفصل يكون الدانتيل اسود نفس الصورة
و القطعه بيبي بينــك، خصوصا للي تباه لعرس و ماتبا تلبس ابيض

و طبعا شي مهم جدا الـمنكير،،

ممكن تسوين فرنج قبل بيوم اذا ما عليج صلاة
و اذا عليج ممكن تتوضين قبل لا تحطين اما احمر او بينك على لون الروج ^^

هذا اول لوك و انشالله الموضوع بيكون متجدد
و ناويه احط لوكات من اختياري من كلاااسك للفنكي ^^

و اذا عندكم لوكات و بتشاركوني فحياكم الله
او اللي محصله موديل لفستان و مب عارفه ترتب اللوك
تحط صورة الفستان و انا و العضوات بنشور عليها ^_*

و هني اللوك كامل ^^
عشان تتخيليين نفسج فيــه هههه

القطعه البيضا شيفون فيها حبات تيوب ليت
و القطعه الفضية فولك