كب كيك الخمير من موضوع ام ايامي :)

4 كوب طحين رقم 1 – انا حطيت 2 كوب طحين رقم 1

6 بيضات – انا حطيت 3

4 ملاعق حليب نيدو – انا حطيت 2

كوب صغير زيت زيتون او عادي – انا حطيت عادي وثلاث ارباع الكوب الصغير مال الجبن

1 ملعقة طعام خميره – انا حطيت ملعقه كامله تقريبا شوي خففت

1 ملعقة شاي بيكنج باودر – انا حطيت ملعقة كامله وبعدين خففت شووووي منها

1 ملعقة طعام سكر – انا حطيت ملعقة كامله سكر

1-2 ملعقة طعام ملح – انا حطيت نفس الشي

كوب ماي دافي

(( طبعاً انا المقادير سويتهم نص لانه قلت كتجربه بسوي شوي ))

المهم طريقة العمل :

اول شي خلطت الماي مع البيض مع الزيت
بعدين اضفت المكونات الجافه بديت بالملح ثم السكر ثم البيكنج باودر ثم الخميره ثم النيدووو واخيرا الطحين

بعد ماتسوينه اتحطينه في اوراق الكب وانتبهي لاتترسينه كامل انا اخلي العجينه ترتاح ربع ساعه ومرات اقل

وبعدين احط في اوراق الكب نص مو كامل انتبهي لانه انتي بعدين لما بتخلينه في الاوراق بتخلينها ترتاح بعد ربع ساعه .. لو ماشفتي العجينه تكبر عادي لما بتدخل الفرن بتكبر

المهم ادخلينه الفرن انا اول شي اشغله من تحت واجيك الاوراق من تحت يبين اذا صار ولا لا .. ولما اشوف ان كلهم استوو من تحت .. اشغل من فوق ..

لما يطلعون من الفرن في خطوه مهمه .. اتصبين فوق كل حبه مهياوه .. وفوقه اتحطين سمسم ..

الشكل النهائي هو