السلام عليكم ورحمة الله وبركاته
شحالكم يالطباخات ؟
عسى الكل باحسن احواله
اليوم يايتنكم وعندي طلب و الله يجزاها الف خير اللي ترد علي
شو الاكلات اللي ممكن تفيد ف التخلص من البقايا اللي تمت من الحمل في الجسم
يعني الاكلات اللي تنظف الجسم من الوصخ
و كيف يسوونها؟
و في مشروبات بعد تفيد فهالشي شو هي وكيف نحضرها
الرفع…………الله ايوفقج بارك الله فيج
حبة الحمرا مفيده جدا
و السحلب مدر للحليب
تجنبي الاطعمه الي تسبب الغازات مثل الملفوف و البقوليات
واذا حسيتي بغازات اشربي ماي مثور فيه نعناع فرش لانه الغازات الي فيج تنتقل للبيبي و ياثر عليه بعد ><
هلا يالغلااا وحمدلله ع سلامتج
اممم نحن عناا دووم النفااس اول عشريين يووم تاكل العصيده وتشرب الحلبة شرى الشووربة يسوونهاا لهاا
وبعد المرق يقوويج ويا الخضاار واللحم .. واللبن .. والحلييب .. والبيض المسلووق
واهم شي العسل وايد زيين ينظف ويقووييج العسل الاصلي مب اي نووع لو تاخذين المصفى بعد احلى واذاا عندج قرص ع الرييق بينفعج وايد
والله يقومج بالسلامة يارب
الحبه الحمرا
الجرفه
الزعتر
الينسون
الحلبه
لحوووم و خضار السمج
ابتعدي عن بقوليات نفس فول وباجلا و نخي و الملفوف و البصل عشان يبعدج عن الغازات لان بينتقل للياهل وايد بتتلعوزين
الله يفرحكم فيه ان شاءالله
الخوات ما قصروا بس بزيد يعني الاشياء الحاره كثري منها و الغازات ابتعدي عنها.. الحاره اقصد السخنه شرات الشوربه مب الفلفل
الكراوية والقرفة رائعة بالنفاس والشوربات, والعدس مدر للحليب والورقيات مثل البقدونس .
والحمد لله على السلامة