مرحبا خواتي شحالكن…
انا بصراحه شيت التاسع من اسبوع ومب زايغة وبس الا بموووت من الزيغه من سالفة الولاده وبصراحه انا من النوع الجيان والخواااااف وااايد…ما اعرف شقايل بتيني القوة والصبر يوم اييني الطلق… عمتي وامي يحليلهن دايما يشجعني ويقولن شدي حيلج وامشي واشربي زعتر وزنجبيل ويانسون…وانا مب مقصره …للمجربات ممكن تعطووني نصيحه تساعدني ع تخطي هالحاله
الله يعينج .. انا من قبل مآ أعرس كنت زآيغة من الحمل وخآآصة الولآدة ..
ولين يوومج هذآ ..
والله يعــــينج اختي .. ان شآء الله كل شي يستوي بسرعة وبدون مآتحسين 
ويسهل عليــج
فديتج حبوبه لاتحاتين وايد كله بايد رب العالمين والله يسهل لج ان شاء الله وتشوفين النونو بخير كلها كمن ساعه ويعدن بسرعه وعندج امج وعمتج واياج بيسهلون عليج وكل التعب يروح في اللحظه التشوفين فيها ضناج في حضنج صدقيني بتنسين كل شي
انا نفس الحاله 
فالثامن كنت ابا ادش التاسع بسرعه واربي وافتك بس الحين زايغه بدت الرهبه اتيني
ابا الايام تمر بالبطيء ..
وماعرف شو اللي يسهل الولاده وااااااء وااااااااااء
لا تحاتين وايد الله يسر عليج ويسهل الولادة عليج بالاستغفار كله يوم ويمر
المشاركة الأصلية كتبت بواسطة ام هند2 
الله يسهل على كل حامل ويرزق اللي تبا تحمل ان شاء الله وادعيلنا