السلام عليكم ورحمة الله وبركاته
الصرحه راحه على قولتهماناعضوة يديدة عندكم وعجبني موقعكم بس عندي مشكله
و بغيت فزعتكم يابنات بلادي مشكلتي المطبخ والطبيخ والله اني صرت ميح ما اعرف شي مع اني كنت اطبخ يوم كنت وي بيت اهل ريلي بس احينه وبروحي ماقدرت موليه والله يخلي هالمطاعم بس تحذ في نفسي غصه ابي اطبخ بروحي ساعدوني دخيلكم :1 (9):
للامانة مابي زوجي يطفش مني كيف الحل ؟؟؟؟؟؟:1 (36):
شو تبين اتعرفين ونحن حاضرين
مشكورة اختي انك رديتي علي لكنت خلاص مابدخل مرة ثانيه
اختي مثل ماتعرفين في بنات يحبون المطبخ وانا كنت اعشقه حتى زوجي بنالي احلى مطبخ وعندي افضل الاجهزة بس يوم اسير اسوي اي شي مثل الكيكة مول ماتنتفخ وتخترب علي والمعجنات اللي زوجي يحبها مول متضبط معي قلت الفرن في شي اي شي اسوي يخترب جربنا خدامت عمتي تي تطبخ يضبظ الا انا لا تخبلت الصراحه وما دري شو اسوي .
المختصر يعني ساعدوني بمقادير خفيفه على قد عيلتي انا وزوجي وعيالي 4 اكبرهم 7 سنوات والعيال ماياكلون بس تشونه
ساعدوني بطرق البرياني والمعجنات والحلويات بس اللي تكون عايلتها صغيره مثلي مابي اسووايدبعدين افره الدرام ؟؟؟؟؟؟؟؟؟؟؟؟؟ حرام والله
وسمحولي لو طولت عليكم واللي بتساعدني جزاها الله خير ويوفقها بدنيتها ويجازيها بالاخرة الجنة بأذن الله
حبيتي والله انتي
انا مثلش ساكنه بيت يديد كنت ما اطلع من المطبخ
بس الحين يوم ريلي اهنيه بعد ادخل غصب
والغريب اني اذا رحت بيت اهل ريلي اتفنن في الطبخ
بس اقول لش اتوكلي على الله
اعطيش طريقة كيكه حلوه بس متعبه وتبا اغراص وووووووووووووايد
هي عباره عن ثلاث طبقات جربيها وانشاء الله ما بتندمين
اول طبقه
عباره عن نص كيكة ككاو العلالى او اي نوع اتحبينه طبخينه في صينية الفرن البايركس
الطبقه الثانيه
6حبات حبن كيري
4 اكياس دريم ويب
فنجانين ما بارد
نص علبه حليب مركز
علبتان قشطه
ضربيه بالخلاط الكهربائى وتحطينه على الكيكه ما اتكون حاره ودخلينه الفريزر
الطبقه الاخيره
كوب ونص حليب سائل
علبة كريم كرمل
1قشطه
3 ملاعق ككاو بودره
طبعن تصعيه على النار لين تتماسك
وبعد ما اتبندي الغاز اتقلبيه لين يدف وتحطيه فوق الكيكه بحذر وتخليه ساعتين في الفريزر
وانشاء الله تعيبكم وتدعولي
هلا وغلا من عبرني
تسلمي اخيتي على ها لوصفة بس بتخبرش عايلتش صغيرة مثلي >>>>>>>>>>>>>>فضول
ومبروك عالبيت اليديد ان شاء الله بيت عامر باهله
صدق تعقيد التفنن بالمطبخ وانا الحين قمت ماشاء الله علي اخذ من المنتدى واطبق بالحرف
يبلي فترة حتى اتقن لاني اخذ السهل وما اقرب وي الصعب
حشى عنبو حرب مو طبخ
واخيرا شكرا يامنتدانا الغالي بس بغيت طرق الاكلات الرئيسية الشعبيه من خبز بانواعه والعيوش او اي شي خلاص نتعلم حتى العيال لمن كبرو ان شاء الله يقولون لحريمهم ماكو احلى من طبيخ الوالدة هههههههههههههههههههههه
شكلي تيننت سلام