خوات حبيت اكتب لكم تجربتي فالعنايه بشعري يمكن تناسب حد منكم (يعني الي يعانون من تساقط و جفاف الشعر و قشرة الفروة)
من فتره نزلت موضوع ذكرت فيه بعض الاشياء الي كنت ناويه اسويها فشعري بس بعد نصايحكم الي مالنا غنى عنها غيرت الخطه
لينك الموضوع الاول http://http://forum.uaewomen.net/sho….php?t=1146648
الي سويته اني جربت احط مرة زيت الجرجير و عقبها بكم يوم جربت زيت اللوز و بعدها بكم يوم جربت زيت هملايا
و قررت اني اثبت ع زيت الجرجير لانه الصراحه وااااايد ملائم لشعري يعني حسيت بنعومه و لمعه مو طبيعيه
وقمت بالاسبوع مرتين او ثلاث احط زيت الجرجير لمده 3-5 ساعات و عقب اغسله بشامبو syoss الي حسيته وايد اوك لشعري
وعقب الشامبو استخدم حمام العنايه بالشعر بالحنا من بوتس
وعقب ما اطلع من الحمام ارش ع جذور شعري بخاخ جوز الهند و اللوز وهو طبعا leave-in conditioner و ع باقي شعري احط بديل الزيت من بانتين من سنتين و انا استخدمه و مرتاحه عليه خاصه ريحته الصراحه حلوة وقويه و تتم فالشعر و مبتعده عن السشوار حاليا مرات بس اسشور الغره ما ادري انتوا شو تسموها
بالإضافه إلى اني يوم اخذ حبه اوميغا3 و يوم حبه فيتامينات للشعر
النتايج الي حصلت عليها القشره قلت بنسبه 90%
التساقط قل بنسبه 60-75%
لمعه و شكل صحي جداً جداً جداً
شعري بطبيعته وايد ناعم بس في كسرات واسعه وقليله مع هالنظام صار ستريت اكثر مع اني مع الصبغ عاده ينكش شعري شوي
صارلي اسبوعين او ثلاث تقريبا ع هالنظام و صدق بدون مبالغه شعري طولان شوي ما شاء الله بس صراحه انا اولريدي طبيعه شعري يطول بسرعه ما شاء الله تبارك الله
هذي صوره الاشياء الي استخدمها
واي سؤال انا حاضره
واتمنى تستفيدون من الموضوع
و مابا منكم غير دعوه ان الله ياخذ بيد ولدي و يشفيه ان شاء الله
سبحان الله يعني الي قروا الموضوع استحيفوا حتى يدعون دعوة صغيرة لإبني
يالله كل واحد و ذاته
مبروووووووووووك عزيزتي
و عقبال باجي البنات
ان شاء الله ياخذ بيد ولدج و يشفيه ان شاء الله و تفرحين بي الغلا ^_^
أختي مشكورة وجزاج الله خير وربي يعجل بشفاء أبنج شفاءاً تماماً بإذن الله.
ما تعرفي يمكن كل وحدة دخلت الموضوع دعت لج ولولدج بالغيب وهذا أفضل أنواع الدعاء .
مشكورات خواتي الي ردوا
و مشكورات خواتي الي دعوا لأبني
عسى الله يستجيب لكم
السلام عليكم اختي بارك الله بك على هالمعلومات القيمه والله جات بوقتها
كنت محتاجه لها عموما اختي حبيت اسال لو ماعليج امر منين اشتريتيهم ياريت ادليني على ماكاناتهم
خصوصا زيت الجرجير وبارك الله بك وشفى ابنك وبلغك الله به في اتم الصحه والعافيه
مشكورة وااايد اختي ويزاج الله خيــر
الله ياخذ بيد ولدج ويشفيه يااارب
ان شاء الله بطبق نفس العناية لشعـــري وبخبرج بالنتيجـــة ^^