طلعت بارده وريلي عاجز سبحان الله!!

أمس كنت معزومه في بيت أخت ربيعتي كانت مسويه يلست حريم طبعآ كلنا من نفس الجيل تقريبآ .. وكانت اليلسه وايد حلوه سوالف وضحك وجذه
فجأه الله يسلمكن انفتح الموضوع المحظور .. وكل وحده يلست ترمس عن علاقتها بريلها ومغامراتها فغرفة النوم وشو الحركات لي يحبها ريلها ولي هي تحبها
ولدرجة إنه وحده يلست اتمثل حق البنات ملامح ريلها وصوته يوم اتيه الـ….. وشو يقول وهي شو تقول بعد وكلهن مستانسات عليها ويضحكن لها وهي تزيد عقب اتمادن كل وحده يلست تقولها ريلي يحب جذه وجذه وقلديلي إياه وهي تقلد وهن يضحكن!!!! " مجرد تقليد "
الموضوع هذا طول وأنا كنت وايد مضايجه وفضلت أكون مستمعه وبسسسس ويوم شفت الموضوع زاد عن حده ودخلن فالعميق طلبت منهن يغيرن الموضوع
طالعني بنظرات كني من كوكب ثاني وعقب اضحكن يلسن يعلقن عليه أونه أنا توي سنه أولى وبعدني أستحي وباجر أكيد يوم بتعود بسايرهن وأنه يلسات الحريم دومها جذه
قلتلهن أنا ضحك وسوالف بضحك بس هالموضوع مستحيل أرمس فيه مع حد لنها خصوصيات
يلسن يضحكن كني قلت نكته عقب تمن يعلقن عليه إني استحي ومادري شو وتمن أونهن يتخيلني يوم أكون مع ريلي ( فهمتني طبعآ ) وتمت هايج تقلدني أونها وكل وحده تقول شي المهم هنيه أنا عصبت وقلتلهن إني ماحب جذه قالن عيل اشحقه عرستي ؟؟؟
يعني ألحين كل وحده تعرس تقعد تنشر علاقتها بريلها وتمثلها حق ربيعاتها عشان يضحكن ويستانسن هذا منطق هذا ؟!!
المهم ودرن هالموضوع وامسكن فيه وتميت أقولهن إنه حرام الوحده تطري هالسوالف جدام حد وصرت في نظرهن حجيه وأتفلسف
وعقب هاي إلي كانت تمثل لهن قالت خلاص بنات سكرن هالموضوع جدام شرينه شكلها تتحسس منه
وقالت حليلها يمكن هي بارده وألا ريلها عاجز
ويلسن يضحكن أنا هنيه عصبت وشليت عباتي وطلعت حتا ماتصلت حق ريلي إلا وأنا تحت
ولين هاللحظه ماخبرته ليش طلعت متنرفزه من عندهن

اصلا الرسول قال ف حديث بس ما ذكره انه حرام الواحد يتكلم عن العلاقه بيته وبين زوجته