السلام عليكم
حلمت اني في بيت جدتي وفجأة امي حطت بين يدي طفل ولد رضيع
يمكن عمره شهر تقريبا وبالحلم عارفة انه مو ولدي وكان شكله مريض وعلامات الموت بوجهه
من كثر الجوع واشوف اكلم اهلي اللي حولي ولااحد منتبه لي وكنت خايفة عليه
كأنه في عازل بيني وبينهم والكل مشغول عني وعن الطفل بعدين مايصيح مثل الاطفال
بس شكله يدل انه تعبان من الجوع وفاتح فمه شوي ومغمض عيونه والطفل ابيض
قمت جبت له سيريلاك وانا عارفة انه مو مناسب لعمره بس ماحصلت له حليب
فقمت اعطيه وهو ياكل وهو مغمض عيوننه فجأة تحسنت حالته ورجع
كأني نجيته من الموت للجوع اللي صار له وفرحت انه عاش
انتهى
الحالة الاجتماعية : مطلقة بدون اطفال
العمر : 37 سنة
العمل : موظفة
الحالة الدينية : جيدة
امراض روحية : لايوجد
تمت الموافقه
خيرا نتلقاه و شرا نتوقاه
ان صدقت الرؤيا
ربما تواجهي بعض مشاكل بعملك
و لكن الرؤيا تبشرك بانك سوف تفعلي كل جهودك لك تتفادي هذه المشاكل و سوف تزول
ان شاء الله و يفرج الله همك و الله اعلم
اكثري من الدعاء و الاستغفار