السلام عليكم ورحمه الله وبركاته
شحالكم خواتي عساكم بخير
مبارك عليكم الشهر
حبيت استفسر منكم عن التشيز كيك
انا سويتها من كم يوم
طبقه البسكوت اللي تحت ضبطت وياي و الطبقه الللي فوقها بعد ضبطت
بس الطبقه الاخيره اللي فوق ما طلعت حلوه
بغيت اعرف منكم انتو شو تحطون فالطبقه الاخيره عسب تضبط ؟؟؟؟
حبوبه ممكن إتحطين مربى أو حشوة الفطيره تنباع في الجمعيات في توت و كرز و ما أعرف بعد شو الأنواع
إن شاء الله أكون أفتج 
حطي طبقة جلي .. خذي كوب ماي مغلي + جيسة جلي فراولهـ .. وعقب خليه يبرد … بس تريي الطبقه الثانيه تجمد بالفريزر وعقب صبي الجلي وخلي يجمد بالفريزر~
خذي جاهز من الجمعيه
حسب انتي كيف تبينه وشو سويتي…
يعني
احيانا افور علبة فيمتو((او اي نوع مشروب غازي تبينه)) مع ظرف كريم كراميل
او نص كوب ماء حار تذوبين فينه نص علبه جيلي بأي نكهة تبينها,,,وضيفي نص كوب ماء بارد
او صلصة بلوبيري الجاهزة بعلب
او كوب ماء مع 2 ملعقة كاكاو (( او نص ملعقة نسكافيه)) وظرف كريم كراميل و يفوووور عالنار