السلام عليكم ورحمة الله وبركاته
خواتي انا عرسي بإذن الله 22/8/
ابا اخذ رايكم في كذا شي اذا ممكن واللي عندها خبره او تتخبر حد جزاها الله خير تكتبلي ياه هني
ابا صالون للحمام المغربي
اللي انا جربته:
1- صالون تدلل في بوظبي ( المرور)
2- صالون اللولو في بوظبي ( قريب بوظبي مول)
3- صالون ماي أند مار (مقابل الخالديه مول )
الصراحه مب لين هناك
أما بالنسبه لليزر كامل الجسم
1- كوزموسيرج
2- مركز الأمير
3- أكسفورد (ما أنصح حد يسوي عندهم)
وبالنسبه للعنايه بالشعر وين تنصحوني في بوظبي؟
والليزر وحمام مغربي؟؟
للعلم جسمي مش لون واحد من الليزر اباه يرجع نفس قبل
أما بالنسبه للعرس
انا حجزت ميكب وتسريحه عند آمنه الحوسني ب 4500
وفستاني عند ريم الحوسني
والحنه لين الحين ما اعرف وين اسويه ؟؟؟
ابا اسويه في الشارجه
لان عرسي فالشارجه في فندق ايوان اللي فالخان
شو رايكم في :
1- المراسم
2- قمر
3- عايشه
او اختارولي شي حلو ومجرب
(مابا احترق دخيلكم نفس ملجتي في صالون يوكو في عيمان سويته الله لا يراويكم لين الحين الحنه في ايدي من اربع شهور تقريبا)
وبالنسبه للمنطقة الحساسه من كثر ما اسوي ليزر احس لونه تغير اذا حد عنده خبره او كريمات اوكي او اي شي لا تبخل علي
أختكم
الله يسهل عليج اختي … شوفي
انا اول مره اجرب حمام مغربي واستحيت الصراحه لاكن كان حلو وخدمه زينه صالون تيبس اند توز في فرع عندهم في دبي و بوظبي
بوظبي سويته في منطقه خليفه كان حلو الصراحه باخذ عندهم باجيج من املج باذن الله تعالى
اللي سويته كان حمام تركي على القول لاكن نفسه وشرات حمام المغربي وطلبت مقشر اللوز و ماسك شمع العسل وايد حلو قلت لها ابي معاه حمام مغربي كانت مخيرتني ف قلت لها ابي كامل يعني خذا من القوت ساعه ونص تقريبا
بنسبه للحنى صالون اماني في الخالديه ابوظبي وايد يمدحونها واسمها اماني اخذي رقم من البداله
وبعد صالون الاخوات في بني ياس حنايات ما شاء الله عليهم حلو
وفي بعد في الشارجه حنايات فنانات الصراحه ونقشهم حلو وقريب عليج وايد صالون غدير في راس الخيمه هذا معروف وكل يعرفه
طبعا الليز معروف لازم بعد الليز كريم ميبو شكلها اللي سوت له ما قالت لج بس كانت تبا بيزات
باقي اللي قلتيه ما اعرف ان شاء الله البنات ما بيقصرن
مشكوره حبيبتي
ويوفقج يارب
مهاني وطيف عمري
يعطيكم العافيه
أَصبحنا وأصبح الملك لله والحمد لله لا إله إلا الله وحده لاشريك له. له الملك وله الحمد وهو على كل شئ قدير.رب أسألك خير ما في هذا اليوم وخير ما بعده وأعوذ بك من شر ما في هذا اليوم وشر ما بعده. رب أعوذ بك من الكسل وسوء الكبر رب أعوذ بك من عذاب في النار وعذاب في القبر
بالتوفيق الغلا اعتقد الليزر لازم يكون بمكان موثوق ومجرب