السلام عليكم ورحمة الله وبركاته
بنات أنا الحمدلله ملجت من فترة قريبة وعقب أربع أسابيع عرسي ..
واهني عندي مجموعة من الأسئلة :
السؤال الأول : كيف اجهزت شنطتي للسفر ( راح أنسافر أسبوع استراليا )؟
السؤال الثاني :شو الأشياء الأساسية إلي لازم أخذها للمطبخ من أدوات ؟( غير الأجهزة لأني انا خذت كل الاجهزه). وبالنسبة للمحلات أنا اعرف بس المشكلة مااعرف شو اخذ بالضبط ؟
طبعا أنا خصصت مبلغ 4500 درهم للأدوات
والسؤال الثالث : كيف أرتب وقتي للطبخ وغيره للعلم أنا أدرس واشتغل؟ شو الجدول إلي ممكن أسوية للتنظيف والطبخ وغيره ؟
للعلم شقتي تتكون من صالة وغرفة نوم وحمامين ومطبخ
طبعا : الدوام من 8 إلى 12
والجامعة من 12 ونص لين 2 ونص
طبعا ريلي يداوم دوام رسمي ويخلص دوامه الساعة 4 العصر .
وبنات نصيحة من قلبي أتذكروها عدل :
الزواج تفاهم وشيء معنوي قبل مايكون مادي , فدوم راعي ميزانية ريلج , ولا تقارنين نفسح بغيرج ابد لأنه كل ريال ظروفه غير مب شرط الشيء إلي سوته ربيعتج تسوين نفسه,وتذكري بعد أنه ليلة العمر يوم واحد وبيروح فحرام اتخسرين الريال في أشياء ماله داعي , باختصار شديد لاتحملون الأزواج فوق طاقتهم بحجة أنها ليلة العمر, صح من حقج تفرحين وكل شيء بس خلي عندج دوم بعد نظر , واطلبي في حدود المعقول وتذكري أنه الزواج الناجح لازم تكون بدايته ناجحه بدون ديون , وحتى لو كان في دين يكون بحدود المعقول ,ولاتنسين ليلة العمر تكون بفرحتج بالشخص الي بيصونج طول عمرج مب بحفلة مدتها كم ساعه ..
وبالتوفيق وشكرا للجميع
وبليييز ادعولي
عليكم السلام ورحمه الله وبركاته
صحيح أني صغيرة في العمر بس اقدر اساعدج
بخصوص السؤال الاول يمكن هذا الموضوع يفيدج هو في المنتدى فحبيت أنج تشوووفنه عساه يفييدج
• http://forum.uaewomen.net/showthread.php?t=333763
ملاحظة: بتحصلين الجواب في الصفحة الاولى والثالثة .
• في المطبخ يمكن هذا الموضوع يفييييدج
http://forum.uaewomen.net/showthread.php?t=766705
امممم بس قدرت اساعدج في السؤالين وان شاء الله العضوات الثانية يسااااااعدوونج
ينقل للقسم المناسب
الله يتمملك على خير
الله يوفقج يا أختي
لا إله إلا الله الملك الحق المبين
ابــــــــــــــــــــــــــــــــــــــــــــــــ ــــــــــــــــــــــ
سبحان الله وبحمده,, سبحان الله العظيم..
موفقة الغلا