شي رخيص و يخلصج من الشعر الزايد

السلام عليكم ورحمة الله وبركاته ..

بدخل على طول في الموضوع ..
تقريباً من شهر وأكثر شوي قريت في النت أن البنات
يستخدمون عصير الزنجيل بعد مايسون حلاوه لجسمهم
قمت ويبت عصارة الجزر وعصرت زنجبيل طازج
وسرت شليت شعر النمطقة الحساسة (الباط) وحطيت عليه
من العصير وقبل ما ارقد حطيت بعد مره ونشيت وحطيت
تقريباً لمدة ثلاث أيام كل يوم أحط مرتين بعدين وقفت
مابتصدقون لو أقولكم الشعر خف بنسبة 80%
وأنا ماكتبت هذا الكلام إلا بعد ماجربت ..

وحتى الوالده خليتها تجرب على شنبها وتقول وايد وايد
خف الشعر وفي أماكن ماطلع بس هي ما استمرت
تدورن مشغوله في المطبخ ..

المهم جربوا عصير الزنجبيل وصدقوني مابتندمون
واستحملوا الحرار لانه حار شوي .. يعني ثواني ويخف ..

على فكره انا بعد جربته على ريولي والحمدلله
النتيجة حلوه وايد ..

وسلامتكم
أختكم في الله : خوخة دبي