السلام عليكم بنات اشحالكن
بس بغيت اسال شو جو الهند الحينه وشو المناطق الطبيعيه في الهند
وشو اسعارهم رخيصه والا غاليه
شو انظف الفنادق الى خدماتهم زينه
ابغي المعلومات بالتفاصيل لو سمحتوا انا بسافر شهر 23/7
وين احسن مكان للعلاج يعني انا رايحه علاج وسياحه
ابليز افيدوني
عنبوه وين البنات محد سافر الهند
انا بعد ابا اعرف
موفقة الغالية لو اعرف ما راح ابخل عليج الاخوات ما راح يقصرون
الهند الحين برد وان من زمان سرت بمبى وكان فندق اسمه هيراتيج بس فضيع وكله عرب وبمبى احسها للتسوق يمكن بنغلور حق سياحه وحق علاج
المشاركة الأصلية كتبت بواسطة غرشوبه5555 
بس بغيت اسال شو جو الهند الحينه وشو المناطق الطبيعيه في الهند
وشو اسعارهم رخيصه والا غاليه
شو انظف الفنادق الى خدماتهم زينه
ابغي المعلومات بالتفاصيل لو سمحتوا انا بسافر شهر 23/7
وين احسن مكان للعلاج يعني انا رايحه علاج وسياحه
ابليز افيدوني
شوفي حبيبتي بمبي مدينة حلوة ومب حلوة جوها معتدل وفيها امطار وغربان من اوا ماتوصلين المطار بيستقبلونج الطلاليب يعني المتسولين وبالج تعطين حد لأنهم بيتكودون عليج مثل النمل -وبتشوفين الفقراء وايد على الطرقات -وعلاجهم وايد زين ويمدحونة -واسكني في منطقة كلابا فيها فناددق مثل غاردن واسكوت والسوق في كلابا فيه محلات وصتادق يعني اكشاك على الشارع العام مقابل المحلات واسعارهم وايد ارخيصة اكثرمن المحلات -بمبي متروسة من العرب يعني الدار امان وبتشوفينهم في الليل على الكورنيش وفي الركشات يتجولون -وكورنيشهم وصخ كرمك الله اطفالهم يقضون حوائجهم امام الناس -واذا تحبين تتصدقين بملابسك القديمة وايد محتاجين ويسمون الثياب _(كبراء)
وعندهم سوق في فندق الشيراتون وايد حلو وراقي – والتاكسي وايد يغلون على العرب -والمناطق الأخرى تابعي تقارير الأحوات اللي رارو المناطق الريفية وفيها المناطق الطبيعية