السلام عليكم
شحالكن بنات وحريمات؟؟ عساكن الا بخير؟؟
تحيدن موضوعي (متضايقة حيييييل)؟؟
عشان الفحص الطبي طلع سلبي وكنسلنا الخطبة
.
.
.
الريال للحين شاريني ..وبصراحه انا ماقدرت أنساه
رمستني اول امس اخته وقالتلي الريال صلى استخارة ويبا يرد يخطبني مرة ثانية
قلتلها بصلي استخاره 7 مرات وبردلج خبر
وصليت ال7 استخارات..وعقب كل مرة احس اني ابا هالشي
واختي حلمت انه انا كان عندي بنت ويت تشوفها وقالت كانت حلللللوة 
قلت يمكن اشاره انه ماراح يطلعون عيالي مرضى
واتصلتلي قبل شوي تسألني قلتلها
بس قلتلها لا تتصلون لابوي الحين خل افاتحه بالموضوع الأول
.
.
الوالد طبعا بيرفض هاذا احساسي لان اهلي من النوع اللي يحااااتي…عانى الريال عشان يوافقون او مرة
كيف الحين؟؟وهو يعرف سالفه الفحص الطبي
برايكم كيف افاتحه؟؟ ولا اخلي الوالده؟؟ ولا شسوي
طبعا اهله حابيني بس عشان هالسالفة متخوفين
خاصة ابوه وامه..تعرفون الاهل يحاتون نفس امي وابوي يعني
انا فوضت امري لربي لو الله يعلم انه عيالي بيطلعون مرضى مابيسرلي هالامر كان نساني اياه لاني دعيت بهالشي
ونحن الاثنين مصلين استخارة وارتحنا ويتنا اشارات
بشو تشورن علي؟
ليش يعني صليتي سبع مرات صلاة استخاره؟؟
فيه حديث ينص بهذا الشيء؟
انا ألي اعرفه ان الواحد يصلي صلاة استخارة وخلاص اذا الله رايد يتم هالامر بيسره واذا كان شر فيه بيصرفه عنج بأي طريقة
وما يخصه حسيت براحة ولا ما حسيت براحة
وأنتي ادرى بمصلحتج الغالية
وابوج اذا رفض بيكون خوفه عليج وعلى الذرية ألي بتييبينها
وربي يوفقج ويسر امورج كلها,,
الله يوفقكم
الله ييسر لج امورج ….انتي شاوري ابووج وشوفي شو يقولج…يمكن يقنعج ويمكن تقنعينه… والله يسهل عليج
الله ييسر لج امورج … اللي فيه خير ربي يسهلة لج غناتي
هلا حبيبتي
قال تعالي : (وعسى أن تحبوا شيئاً وهو شر لكم )
شوفي الغالية
اذا النتيجة طلعت سلبية .. فما ينفع تاخذون بعض
لا تفكرون بعماركم بس … فكروا بعيالكم اللي بييون على الدنيا
فكري انج وااايد بتتعبين من مرضهم .. بسم الله يمكن اعقاة
ادري في ناس خذوذا ناس طبيعين .. بس ياهم عيالهم مرضى
بس هالشي نادر ..
انتوا خذوا بالاسباب .. وادعي ربج يعوضج بكل خير
والله ييسرلج أمورج
رمسي ابوج والله فيه الخير ربج بيجدمه