السلام عليكم
غالياتي اتمني اتساعدوني في خاطري اكفل ايتام بنات اولاد مش مهم المهم صغار في السن
وماعندهم معيل والله يفتح باب الخير على اللي اتساعدني وياليت لو في امارة راس الخيمة
لا إله إلا الله عدد ما كان ، وعدد ما يكون ، وعدد الحركات والسكنات
اللهم إن كان رزقي في السماء فأنزله
وإن كان في الأرض فأخرجه
وإن كان بعيدا فقربه
وإن كان قريبا فيسره
وإن كان قليلا فكثره
وإن كان كثيرا فبارك لي فيه
لا إله إلا الله وحده لا شريك له ..
له الحمد وله الملك وهو على كل شئ قدير
لا إله إلا أنت سبحانك .. إني كنت من الظالمين
الغالية الجمعيات يكفلون لج وايطرشون لج صورهم ومعلومات عنهم كل فترة عشان تطمنين
عن كل طفل 150 درهم خارج البلاد
واذا تبين داخل البلاد عن كل طفل 300 درهم
ويقطعونه من راتبج شهريا
اريح لج
شوفي جمعية دار البر واتصلي واتفقي معاهم
شوفي ع بداية السنة الدراسية
مري اي مدرسة في راس الخيمة خاصة المناطق اللي تحسين ان اهلها اوضاعهم صعبة (بدون +وافدين )
ورمسي الاخصائية انج بتتكفلين بطالب او طلاب
شوفي تقاريرهم
عن اوضاعهم المعيشية
صدق في حالات تعور القلب
وربي يوفقج لفعل الخير
سيري بيت الخير حبيبتي
عندهم فرع في راس الخيمة
يكفلون ايتام من الدولة ب300 درهم اظن
و عندهم وااايد حالات اتقطع القلب
و يزاج الله كل خير
انا عرف عائلة سودنيه فقراء ومصرين وايرانيه بعد اذا حاب بعطيج رقمهم من دبي هم