السلام عليكم حبيباتي
سؤال للعرايس والمالجات ومخطوبات الملاقيف لا هههههههه امزح
كيف اتصرفتوا بالذهب يوم بديتي تزهبين للعرسج!
بمعني أنتو تدرون الذهب ارتفع وايد وطقم أصغير.يكلف اكثر من 6000 ع حسب بعد!
فسوالي كيف قسمتوا المهر والزهبه وخصيصا بند الذهب لان ابصراحه صار الذهب يكسر الظهر
خصيصا صاروا الماكيرات والي ياجرون فستان زفاف نفس اسعار الذهب
فبلييييييز انتظر مشاركتكم عن شرا الذهب
موفقـة الغــلا
ابصرآحـة الذهب واايد غالي واحس ان بيزات المهر ما تكفي انا روحي محتارة شقا اقسم البيزات لان الزهبة بعد يبالها .
مانقول غير ربي يعيننا
انا مهري 100 ألف خليت 50 حق الذهب و 50 حق الاغراض الباجيه
و طبعا للحين ما اخذت الذهب اترياه ينزل 160 بسير ع طول ..
و بيزات الباجيه ما كفتني ف أحتمال ابوي يزيدني شوي ..
و الذهب باخذ طقم كامل زناطي و كف و حزام و شغاب و حق الرقبه الطويل
4 حيول ببيزاتيي انا
اعمامي بييبون لي هدية طاسه
و الاطقم الصغيره من عماتي و عيال عمي و اهالينا ..
و إن شاء الله خير 
لا تاخذين وايد خذي اشياء بسيطه وبعد الزواج اشتري
انا مهري 80 الف
قسمت 50 الف للذهب و30 الف للزهبة
اشتريت يوم كان الذهب عيار 21 = 164 بس مااشتريت كل شي بس طقم كامل ونص طقم وخاتم واحد وحيول بس وبعد فترة نزل الذهب 21=160 كملت خاتم ويوم نزل 21=158 اشتريت خاتمين وسلسة << والحمدالله بعد زاااد انا خسرت للذهب 33 الف بس ومابشتري الحين بتريا لين بعد العرس
السلااام عليكم……..
لو سمحت لي صااحبة الموضوع بسأل سؤال؟؟؟؟؟؟؟؟
أقدر ابيع ذهب هاليومين ؟؟
يعني الذهب مرتفع ؟؟