زواج مصلحة بالاسباب التالية .

بنات : ابي راكن بكل صدق
اذا في بنت ماتزوجت الين سن الخمسة وثلاثين او اكبر او من ذوي الاحتياجات الخاصة(معاقة او كفيفة او من الصم والبكم) _المعذرة على التخصيص_
واجاها عريس
بس مو من البلد
وافد
او اماراتي او خليجي
بس طفران او ماحصل عمل اويشتغل عندها او كان خارج الدوله وهي اللي بتجيبه على كفالتها
وصغير بسنه
يعني في خمسة وعشرين او اقل او اكبر شوي

السؤال: تقبل وتمشي بالموضوع؟
وهل هذا الرجل بيتم على عهده
اذا هي حسنت حياته وشالته من الفقر او جابته لبلد خير؟
وشنو الضمانات اللي يقدر يقدمها على انه ما يخون؟
مثل مؤخر صداق في حال الطلاق يكون كبييييييييير؟
انا الموضوع ادرسة يخص الشؤون الاجتماعية؟
ابي الفزعة منكم كلكم ………………..(لاتنسون قصة أم المؤمنين خديجة رضي الله عنها)

اختكم كلكم

ما اعرف …في حالات ينقبل فيها الوضغ وفي حالات …لا…

اللي تبى علاقه وحنان ود بتحصله من هذا الشاب لكن في المستقبل و يوم بيوقف على ريوله بيقوللها باي با ي…هوه وضميره عرفتي

واللي تفكر بعقل مب بالقلب بتقول لا …الحين مصلحه بكره يفرني مثل ما يفر الكجره في الدرام…….وعزة نفسها ما بتسمحلها

وهذا رايي

هذا شاب في بدايت شبابه و اذا لقا له حد يأمن له مستقبله ويشيله من الفقر الى مرتبا اعلى بيتمسك به بيده و ريوله …… ….. ….
اكيد بعد مايضمن مستقبله بيجوف له طريق ثاني(يهجرها واو ياخذ غيرها) ….
الريايل مالهم أمان مهما كانت طينتهم …. اخر شي بيفرها لو حلف انه بيتم معاه ؟؟؟؟؟ كل شي يجوز هالايام ؟؟؟

لانه اذا هو مصلحته منها بس انه يدخل البلاد و هي تكفله و هي توفره العمل المناسب

اشوف انه من الافضل انه تنتظر نصيبها لانه كل بنت لديها نصيب مكتوب لها في الحياة و هذا طبعا بيد رب العالمين

لكن اذا كان هالانسان يحبها لشخصها و شخصيتها و لا تفرق معاه السن او الاعاقة فالاكيد راح يفني عمره معاها و لن يتحمل ان يعيش بعيد عنها

انا اعرف عائلة مواطنة كبيرة اصدقاء زوجي و متزوج بنت اكبر منه ب 8 سنوات و بالعكس لانه الاساس كان حبه لها و لشخصيتها