مرحبا
شحالكن
والله امكتبلكن والله ميته من القهر
بنات انا مالجه ويوم ارمس ريلي ولا حتا يوم يسكر اييني دوم ارقام غريبه
وقطعن ها الارقاااااااام من فتره طويله
ومن كم يوم بدا اييني رقم ويتصلون ف الوقت الي ارمسه فيه ولا حتا الصبح
واليوم مطرشيلي مسج ؟؟؟ شحالج
انا انصعقت ومن عادتي اي رقم اييني اخبره
خبرته قام زعل وعصب علي ويقولي انتي يعيبج يووم اييج ارقام ومادري شو
ساعات اشك انه هو لن مره سوالي هالحركه
الحيييييين شو اسوي لا تقولولي غيري رقمج لن امايه بتم تسأل وتسأل
وتسوووووووي تحقيق
بكل بساطة قوليله ولا اتردين عالارقام الغريبة
شكله يبا يشوف اذا اتردين او لأ
انتي طنشي وما عليج
اذا وحدة من اربيعاتج تراها بتقولج انا فلانة ولو هي محتاية شي منج وانتي ما رديتي اكيد بتقولج انا فلانة وليش ما رديتي^^عادي فديتج الرياييل هالايام وايد يشكون لأنهم بطبعهم هالشي
كلن له ماضيه ويبا يكتشفج اذا انتي جذا ولا لأ
ما عليج منه وكملي دربج سيدة ومن اييج رقم غريب قوليله اووه ياني رقم غريب لا تسكتين لأنه جذا بيعرف انج داسه عنه شي
حسسيه انج ما اتخبين شي وانج على نياااااااااااااااااااااتج
وووبس ^^
تسلمين ختيه مريم
انا من يومي مارد ع الارقام واذا وحده من بيعاتي بتقولي
وهو يعرف اني مارد مول وحتا يقولي لا تردين فااااااهمه
لا اله الا الله00عزيزتي لا تردين ع الارقاام الغريبه ولا تخبرينه
ان يااج رقم غريب 00اذا سألج هييج السااعه خبريه بالصدق 0
هو شكله يغاار ويتضاايق فديتج ومب لااازم تخبرينه بكل صغيره وكبيره
داام انهااا ماا تهمه وما تأثر ع علاااقتكم ^^
الله ايسر امورج ويسعدج يااارب
لاتردين واذ كنتي فبيت اهلج خلي خوانج يردون ويشوفون من منوه
يسعدلي يومج خيتوو
اذا يـآج رقم غريب لا تردين مول
واذا تكرر الرقم خبري الوالد أو خوانج
دامج فـ بيت اهلج بعدهم اهلج مسؤولين عنج
وربي يوفقج
يسعد مساج قلبي
المشكله ابوي موب ويانا وماعندي اخوان كبار ماعندي غير ولد خالي اهو فاهمني عدل
ام خماس حبيبتي
اهو يعرفني زين ما زين بس احس الرقم يوم اييني هو يسأل
وانا اقوله
موب كل ما اييني اسير اقوله لا اترياه لين ما يسأل