السلام عيكم ورحمة الله وبركاته
حابه خواتي لو تفيدوني بعض من أفكاركم الطيبة لصالة غير عن صالة الفيلة الي عندي هي صالة وراء بنيناها علشان اليلسة واليهال والغداء هي عبارة عن مستطيل يعني تندخل من احد طرف المستطيل الطويل وستاير عنابي سادة بنفس طوفة الباب لنصف الجدار وكنب غنفات مجابلين الستاير وفرش صارلي مرتين غيرته مره بيج والحين احمر لان اليهال ما شاالله عليهم وطاولة صغيرة عليها تلفزيون في الوسط
والله فكرت احط مقوى الي يشبه السيراميك واصبغ الطوفة اصفر فاتح واغير الغنفات واحط يلسة والله حابه اغير بس مو عارفة على فكرة البيت من جدام كله سيراميك ماعاده هذه الغرفة ………
فلو تختارون لي لون الصبغ والارضية والكنب ماعدا الستارة لانها يديدة وكيف التلفزيون احطه اريد اغير خلال هذه الفترة …
رايكم خواتي اكيد انشاالله بتفيدوني
ولو فكره بسيطة
ماعندي فكره ان شا الله البنات ايفيدونج …..
انشاالله البنات يساعدونج
مشكورة اختي العزيزة على فكرة الألوان وعلى مروركم خواتي
هلا اختي
انا افضل انج تختارين الوان غامجه للغنفات
خاصه لانها غرفه القعده واتعرفين اليهال ما شاء الله عليهم شو يسوون فيها
والتلفزيون خليه معلق وشلي المكتبه واذا انتي محتاجه مكتبة التلفزيون ممكن تشتغنين عنها واتحطين بدالها ارفف راقيه
مشكورةأختي شمس الامارااات