راحة واستجمام بعد الامتحانات والمدارس الكل يحدر .

بس بقولج اماكن ممكن تودين العيال ويستانسون فيها ,,

صح انتي ما تبين ف دبي ,, بس بخبرج عن دبي دولفينيليوم اللي هوه نادي الدلافين اللي ف حديقة الخور ,, تقدرين تودين العيال العروض الموجوده هناك
فـ الشارجه عندج المتاحف بكل أنواعها ,, المراكز التجارية (صحارى ، ميغا مول ، التعاون ) ,, وعندج الاكواريوم ,, مكان حلوو وبيستانسون فيه اليهال بعد ,, والفنادق مكوده بعد

فـ بوظبي وايد اماكن حلوه ممكن تسيريلا ,, عندج نادي الضباط ف بوظبي مكان حلو وعائلي بالدرجة الأولى ,, مكان ترفيهي وحلو وفيه وايد اكتفيتي حق الصغاريه ( من أحلى الأماكن اللي أحب اسيرلا ويا اهليه واخوانيه الصغار)
من غير المراكز

فـ العين عندج المبزرة ,, بس مادري اذا حارة والا الجوّ هناك أخف

وعندج المنطقة الشرقية ,, الفجيرة وخور فكان ودبا ,, فيها شاليهات حلوه وممكن تحجزين كمن يوم وتغيرين جوّ انتي والعيال

وسامحينيه هذا اللي حضرنيه الحينه