بغيت أعرف إذا حد فييكم متعامل مع
الدكتورة أمينة الأميري وهي دكتورة جلدية
وعندها عيادة في مركز الممزر
واليوم عندي موعد عندها
بس حبيت أسأل إذا كانت شاطرة أو لا ؟؟؟
واللي تعالجت عندها ياليت تخبرنا عن النتايج
مرحبا اختي
تبين الصدق ما انصحج
اختي تعالجت عندها واحترق ويها وعقب قالتلها ما اقدر اسويلج شي لانه مادري ليش جيه استوالج
مع انه اختي كانت تعاني من نمش خفيف جدا بعد الحمل وسوتلها تقشير لين يومج بقع في ويها من الحراق
سارت كل مكان ويحاولون يعالجونها ويخففون البقع
لو هي دكتوره شاطره ما بتسوي تقشير قوي حق نمش خفيف في الويهه
نصيحتي تسيرين عن دكتوره سيمين هي ايرانيه وعيادتها في مركز جميرا
والسموحه
شوفي الغاليه نصيحتى لوجه الله
اذا انت من دبي او تقدرين تروحين دبي .. سيري عند الدكتور ابراهيم كلداري .. واااااايد شاطر وأمين وثقة وعن تجربه وعلاجه بعد رهيب
مب مهم المادة عنده كثر ما مهم انه الشخص يطلع راضي عن النتيجه
كانت عندي حساسية وما خليت حد ما رحت له وآخر شي دلوني عليه والحمدلله تعالجت وخازت عني الحساسية
سيري وشوفي وبتدعيلي
أنا كنت أسير عند الدكتور إبراهيم كلداري عشان أسوي تقشير بس ما فادني بشي يعني بس خسرت فلوسي و ماشفت نتيجه أبداً و بعدين سرتله عشان ضربتني حساسية في ويهي و ماعرف يعالجني.
مره كنت في أمريكا فقلت خليني أسير المستشفى عندهم و استشيرهم في الحساسية و الحمدلله عالجوني بكل سهوله و خازت عني الحساسية و الحمدلله
زين يوم اتلاحقتو عليه
وإلا كنت ناويه اتكاشر على عمري وأسيرإلها
ما فينا على العاهات اللي فينا ايكفينا
انزين بكنسل موعدي عندها اليوم
وبصف الكم دكاترة الجلدية اللي اعرفهم بس عطوني
بديل عنهم :
1- كلداري ضرب على بنت خالوتي 5000 على أساس علاج لإزالة حب الشباب
الفلوس زالت وحب الشباب لا زال
3- سعاد لطفي ما يعجبني اسلوبها تجاري بحت ما فيها غير لسانها
عنبو دومها متواكلة تبى تخلص بسرعة بسرعة ولا تخليج ترمسين
4- رستم اسعاره غالية على الفاضي وياليت علاجه يفيد
منو بقى ؟؟
باقي سميحة لطفي
ومريم العوبد
فمنو جربهم
وإذا في وحدة مجربة أي مستشفى أو دكتورأو دكتورة في دبي
ياليت اتفيدني وأكون شاكرة
المشاركة الأصلية كتبت بواسطة طاسة خبز 
3- سعاد لطفي ما يعجبني اسلوبها تجاري بحت ما فيها غير لسانها
عنبو دومها متواكلة تبى تخلص بسرعة بسرعة ولا تخليج ترمسين
في هذي ما كذبتي .. وياريت علاجها ييب نتيجه
رحت اتعالج عندها عسب شعري خفيف .. خذت عني وااااايد وما شفت ذرة تقدم .. وبنت عمتي نفس الشي استمرت معاها للاخير وما شافت أي نتيجة .. وتركتها ولا حتى قالت لها خذي جزء من المبالغ اللى دفعتيها
إختي أنا من الشارجة قبل ثلاث سنين سرت عند الدكتورة فاتن حلاوة اللي حذال مركز الفردان. سرت عندها اتعالج من الحبوب اللي ظهرت لي في الجتف والورج عشان شليت الشعر بالحلاوة والحمدلله علاجها نفعني