حلمت اني في بيتنا الجديم واقفه في الحوي و فجاه حسيت و كان احد يلمس ريلي من تحت و يصعد على جسمي لين ما وصل لرقبتي و احس ان جسمي يصير بااارد و عقب فتره عرفت انه جني و كنت اشرد منه و انخش باي مكان في البيت لكنه يلحقني و يمسكني من ريلي و يصعد على جسمي صارت لي هاي الحركه 4 مرات و عقبها شفت ناس يالسين رحت عند وحده منهم و قلتلها ان الجني يلحقني و يبيني و هيه مسكتني و حطتني بحضنها و سمعت صوت هذا الصوت كل ما اسمعه يعني الجني ياي لي قلت للي ماسكتني الحني ياي لي الحين احس فيه و يلست اقرا قران و اذكر ربي من الخوف بس بعد يالي و لما راح عني شفت ابوي ركضت بحضنه و قلتله يقرا علي عشان يروح الجني عني و يلس ابوي يقرا على و بعدها ما ياني و فجاه تغير المكان و رجعت لبيتنا الجديم شفت ناس يقولون اللي يجتل رجع آنـا ما كنت اعرف منو اللي يجتل يلست اتمشى في البيت شفت اخوي الكبير شال بيده المكينه اللي تقطع الحطب و ماسك شي بيده نفس قطعة لحم و يقطعها و يضحك آنـا انصدمت قلت اللي يجتل و يتكلمون عنه هذا اخوي و تم يتمشى في البيت و بيده هاي المكينه و الكل يتفادى ضربه و قمت
الحلم الثاني
ادرس/ عمري 20/ حاله الدينيه الحمدلله
اخوي 26/ الحمدلله الحاله الدينيه زينه / فيه مشاكل مع اخري
خيرا نتلقاه و شرا نتوقاه
ان صدقت الرؤيا
تدل الرؤيا علي الامان لك مما يقلقك و علي سلامة الامور لكم
و تحثك الرؤيا علي الدعاء و التقرب من الله و الاستغفار فا اللجوء لله يدفع عنك
الضر و يصرف عنك كل ماتقلقي منه ان شاء الله و الله اعلم