حفلتي لليوم الاخضر

حبيباتي فديتكم عندي سؤال
انا يوم الخميس حفلتي لليوم الاخضر بس انا فكرت ليش البس اخضر بس و اتم قاعدة ففكرت اني البس كذا فستان و كل شوي ابدل
يبت فساتين قصيرة لان انا و ربيعاتي و اهلي قررنا نلبس قصير و فالعرس يلبسون فساتين طويله
انا اشتريت فستان ذهبي من عالصدر و ابيض من تحت الصدر لين الركبة وطويل شوي من ورا و قلت هذا بلبسه يوم نفتتح البوفيه
و يبت بعد فستان برتقالي فاااااتح قصير فوق الركبه و عالصدر شغل خفيف و عندي فستان قصير اخضر فذهبي
طبعا حفلتي ما بتكون تقليدية بيكون بوفيه بنفتحه عقب الرقص و جي بسويها عالطريقة المصرية و الاردنية
و ربيعتي مصرية يابتلي بدلات وااااايد حلوة من مصر جلابيات نفس نانسي عجرم في كليب مافيش حاجة تيجي كدا اللي تكون ضيقة و مفتوحه من الصوبين بكل الالوان و بدل رقص قطعتين و قطعه مع كل اكسسواراتهم
و ببدل فيهم انا و ربيعاتي و خواتي بنسوي فقرات
شو رايكم بفكرتي ؟؟ بتكون حلوة ولا انتقادات اهل ريلي ما بترحمني

مبروك غناتي .. بالعكس حلووو جي وهذا فرح لج وذكريات لا تنسى البسي اللي بخاطرج ولا تفكرين بشو يقول النااااااااس .. اهم شي انتي مقتنعه

وربي يتمم لج على خيررررررررر

الله يبارك فيييج :*
حمستينييييييي

ما اعرف شو اقول لج صح العرس او الحفله

عشان ربي يبارك لج في حياتج وعمرج

المشاركة الأصلية كتبت بواسطة زم_قمر_ان

ما اعرف شو اقول لج صح العرس او الحفله

هى للفرح

لكن لازم تكون في حدود الشريعه وبما يرضى الله سبحانه وتعالى

عشان ربي يبارك لج في حياتج وعمرج

اختي انا ما بخالف شرع الله ولا بلبس شي يبين عورتي عالحريم
انا لبسي صح قصير بس مب فوق الركبة

انا انصح انج تكونين مميزه … اذا هم بيلبسون قصير كيفهم مب شرط انتي نفسهم ههههه
البسي لبس مميز حتى لو واحد بس بس يكووون مميز وشي يديد

بس احسها فكره حلوه ^^ ونصيحه لا تفتحين على عمرج باب الانتقادات

الستر زين والحشمة مطلوبة
وخاصة انج ع ويه عرس ,, اذا لبستي هذا بينتقدونج وبيقولون بنت فلان لابسة شي مب محشوم

لا تفتحين على عمرج باب مسكر ,, من تعرسي البسي حق ريلج قصير ومفتوح واللي خاطرج فيه
ماله داعي تتكشفين حق خلق الله