السلام عليكم
شو الاخبار
يا بنات يا حلوات
الارزاق بيد الله و كل شي مكتوب و مقدر
لكن ما اعرف ليش اللي صاير فهالدنيا ان "حظ القبايح بالسما لايح و حظ الملايح بالارض طايح"..
يعني الله يسلمكم السالفة باختصار ان.. بنت عادية و ما فيها جمال و لا جسم و لا اسلوب تتزوج و تسعد ف حياتها و فوق كل هذا ريلها يموت عليها
و البنت اللي جمالها يعق الطير من السما و ما شا الله عليها جمال و اسلوب و شخصية و كشخة.. مالها نصيب او ان ما تسعد ف حياتها
انا ما اقولكم هالكلام من فراغ
انا ملاحظة هالشي و منقهرة منه
مثال:: في بنت اعرفها جمالها عااااااادي جدا.. و دبدوبة و شخصيتها دفشة جدا و فوق كل هذا الله يعزكم ما تهتم بنظافتها الواحد لي يشوفها ما يصدق انها معرسة
لكن اللي انا اشوفه و اعرفه ان ريلها مييييييييييييت عليها و يحب الارض اللي هي تمشي فوقها @_@
مثال2:: بنت جميلة و عليها جسم و اسلوب و رقيقة و نعووومة و صوتها واطي الواحد لي يشوفها يقول يا بخت اللي بيكون من نصيبها.. لكن تعالوا شوفوا سبحان الله كيف حياتها الزوجية مدمرة
و انا شفت و تعايشت مع واااااااااااااايد حالات و استغرب جدا من اللي يصير و اقول بيني و بين نفسي " حظ القبايح بالسما لايح و حظ الملايح بالارض طايح "
شو رايكم بنات؟ هل انتو ملاحظين هالشي مثل ما انا ملاحظة؟
ام انه هاي الموضه الحين؟
بانتظراكمــ~
الارزاق بيد الله
والله يرزق الجميــــــــــع
اللهم ,,
إني أسألك نعمة دائمة ,,
تفيض بها خيراتك ,,
وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,
وأعوذ بك ,,,
من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,
لا اله الا الله
اختى سبحان الله هذا كله مكتوب ومقدر يمكن البنيه الى مو حلوه الى تقصدينها في المثال الاول فيها شي خلا ريلها يحبها ويموت عليها
والبنيه في المثال الثانى فيها شي يخلي ريلها ينفر منها
اختى تعرفين مو زين هالكلام لا تزعلين منى انتى اختى وابي انصحج انتى كنتج تعترضين على ما كتبه وقدره الله
كل واحد ونصيبه
ماحد ياخذ الا نصيبه في الدنيا والله يوزع الارزاق بين الناس
وصدق اللي قال الرازق في السماء والحاسد بالارض
وسامحيني على كلامي
الارزاق بيد الله
مرحبااا .. تدرين .. من فترة ربيعاتي بعد ناقشن هالشي .. بس كانن يتكلمن عن "البويات المسترجلات" إلي يعرسن بسرعه
الصراحه ضحكت من الخاااطر وبعدين للمزح
قلت لهن انتن تتعدلن وتمزرن وجوهكن مكياج وكل يوم إستايل والريايل << مثل ما لاحظت ما يحبون المكياج
على البنت ولا الحرمه ودايم يطنزون.. عشان جيه سوق البويات ماشي لانه يبان جماله الطبيعي ^_^
يعني لا مكياج ولا خريطه في الوجه << لا حد يفسر غلط ويقول تشجع البويات ولا شي لاااا
بالعكس حلاته البنت بنعومته بس خفن مكياج
ردي عليج انه هذا قسمه ونصيب .. والجمال نسبي يمكن حد تشوفينه حلو غيرج يشوفه بشع
ووو أكيد الاسلوب يلعب دور .. أكيد الوحده تعامل ريله غير وربعه غير
وحتى في شكله قدامه تكون غير ^_^
بتوفيق حبوبه